Matebian, Manuel Pereira. Imajen/Espesiál

DILI, 14 marsu 2022 (TATOLI)—Suspeitu ho inisiál EA ne’ebé tesi kotuk Manuel Perreira nian-ulun iha suku Nunumoge, postu administrativu Hatubelico, munisípiu Ainaro, ohin, submete ona ba julgamentu primeriu interrogatóriu iha Tribunál Distritál Suai (TDS).

Kazu omesídiu agravadu ne’e, akontese iha sábadu (12/03), tuku 13:30, lokraik ne’ebé hakotu matebian Manuela Perreira ho idade 30, nia vida no polisia halo investigasaun hodi indetifika duni suspeitu no detein iha loron 12 marsu, foin lalais ne’e.

Suspeitu kumpre ona detensaun iha sela polísia munisípiu Ainaro, durante oras 72 nia laran, nune’e submete ona ba julgamentu primeiru interrogátoriu iha TDS.

“Kazu omesídiu agravadu akotese iha suku Nunumoge-Hatubelico. Ita nian Komandu PNTL Munisípiu Ainaro liuhosi servisu investigasaun Kriminál ba kedan lokál krime hodi hola medida polisiál no detein kedan suspeitu, agora daudauk iha ona viájen ka dalan ba Tribunal Distritál Suai hodi submete ba Primeiru Interrogátoriu,” Xefe Departementu Relasaun Públiku, Komandu Jerál Polísia Nasionál Timor-Leste (PNTL), Superintendente Xefe Armando Monteiro, hateten liuhosi konferénsia imprensa iha Kuartél Jerál-Caicoli, segunda ne’e.

Potravóz Komandu PNTL ne’e informa Kazu omesídiu no mutilasaun ne’e  liga ho problema pasadu entre matebian no suspeitu halo torturasaun fízika hanesan sunu halimar matebian ne’e nia inan iha tinan 2000. Entaun iha tinan 2017 matebian Manuel Pereira, halo fali tentativu omesídiu hasoru suspeitu EA no matebian momentu ne’ebá konsege ta’a kanek suspeitu EA nia oin. 

Ho nune’e  matebian Manuel Pereira konsege submete ba prosesu justisa tanba nia atus no konsege tama prizaun preventiva no hetan liberdade iha agostu tinan 2021.

“Tuir relatóriu ne’ebé maka mai  katak  problema odiu vigansa iha pasadu ne’ebé mak lori malu no hafuhu malu to’o ikus suspeitu hakotu matebian  Manuel Pereira nia vida,” nia karesenta.

Hafoin supeitu ne’e tesi kotu matebian nia ulun no tara iha ai leten iha suku Nunumoge, postu administrativu Hatubelico, munisípiu Ainaro konsege halai lakon, maibé iha tuku 17:30, Sábadu  nia rasik mai entrega-an fali PNTL no submete ba investigasaun.

Ekipa kompostu hosi Xefe Investigasaun no membru sira balun rekolla ona dadus iha lokál akontesimentu, maibé matebian Manuel Pereira nia mate ne’e ulun laiha, tanba suspeitu ida oho matebian, ta’a matebian hanesan asasinatu.

Hafoin ekipa sira tun hodi halo identifikasaun ba matebian nia mate isin, sira buka tuir matebian nia ulun no konsege hetan iha kilómetru ida hosi lokál akontesimentu.

Enkuantu, mate isin Manuel Pereira, trasporta ona hosi munisípiu Ainaro mai Dili atu halo otópsia.

Notísia relevate: Komandu PNTL Ainaro detein ona suspeitu komete kazu omesídiu

Jornalista : Natalino Costa

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here