Konselór FOKUPERS Covalima, Tonia de Jesus. Imajen Tatoli/Celestina Teles.

COVALIMA, 14 marsu 2022 (TATOLI)—Konselór Forum Komunikasaun Feto Timor Lorosa’e (FOKUPERS, sigla dalen maláiu) Covalima, Tonia de Jesus, informa hahú hosi fulan janeiru to’o marsu 2022 ne’e Fokupers rejistu kazu 18 hosi munisípiu Ainaro, Manufahi no Covalima.

Hahú janeiru to’o marsu, ami rejistu kazu hamutuk 18 hosi Covalima kazu ualu (8) ne’ebè konpostu hosi kazu sivil lima (5), violasaun seksuál ba minór rua (2) no aktu seksuál ba adolesente adultu ida kazu 10 hosi munisípiu Ainaro no Manufahi,” Tonia de Jesus informa ba Agência Tatoli iha salaun administrasaun Munisípiu Covalima, Kampung Baru, segunda ne’e. 

Kazu hirak ne’e, FOKUPERS haruka ona ba Ministériu Públiku (MP) hodi prosesa no kazu balun hetan ona desizaun final ne’e hamutuk kazu neen (6), ne’ebé kompostu hosi tipu kazu sivil haat (4) hetan desizaun hosi tribunál katak arguidu fó alimentasaun ba vítima ho nia oan sira, violénsia domestika ba adultu rua (2) hetan ona suspensaun 

FOKUPERS Covalima durante fulan tolu rejista kazu 18 ne’ebé mai hosi munisípiu tolu ho tipu kazu violensia doméstika, violénsia seksuál, abuzu seksuál minór, hadau malu oan no hadau malu rai, tanba feto sira sai vítima hodi haree kona-ba kazu refere la pendente iha Fokupers. 

Kazu 18 ne’ebè FOKUPERS rejistu iha Covalima hamutuk kazu ualu (8), Manufahi no Ainaro iha kazu kazu 10 no kazu hirak ne’e la pendente iha Fokupers maibé maiória rejista ona iha Minist’eriu Públiku (MP) no kontinua prosesa iha tribunal. 

Nia informa. iha kazu tolu ka kazu haat mak prosesu no desizaun hotu ona mak kazu violénsia domestika rua mak nia prosesu hetan ona suspensaun tinan tolu (3), kazu sivil tolu arguidu sira kumpre ona desizaun hosi tribunál hodi fó alimementár ba vítima nia oan sira.

Dezafiu ne’ebé mak FOKUPERS Covalima hasoru mak laiha transporte no menus rekursu umanu hodi halo atendimentu ba kazu sira hosi munisípiu Covalima, Manufahi no Ainaro.

“Maske ami laiha transporte maibé ami sempre husu ajuda hosi Centru Comunidade Covalima, fatin hakmatek Pradet Covalima, ALFELA no MSSI hodi fasilita ita-nia feto maluk sira hodi tuir julgamentu iha tribunal,” nia dehan.

Funisionáriu ne’ebé servisu iha FOKUPERS Covalima hamutuk na’in-tolu (3) no hosi númeru ne’e Staff konselór na’in-rua (2) no staff kazuál na’in-ida (1). 

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here