Ministru Justisa (MJ) hala'o abrtura formasaun ba-dala VII kursu majistratura no defensoria públika. Iha salaun Ministériu Justisa, sesta (11/03). Imajen Tatoli/Francisco Sony

DILI, 11 marsu 2022 (TATOLI)— Ministru Justisa, Manuel Cárceres da Costa, iha sesta ne’e, hala’o abertura ba formasaun dahitu kona ba kursu asesu karreira Majistratura Judisiál ba Ministériu Públiku no Defensoria Publika na’in-42.

Kandidatu ne’ebé konkorre vaga ba formasaun dahitu ema nain-130, maibé selesiona de’it na’in-42. maka konkore ba vaga ba kursu formasaun ba kareira Majistratura Judisiariu, Majistratura Ministeriu Publiku no Defensoria Publiku.

Totál ema na’in-42 ne’e kompostu hosi formasaun ba karreira judisiál hodi sai ba juíz nain 20 no Majistratura Ministériu Públiku nain-15 no Defensoria Públika nain-sia.

 “Ita atu prepara sira tanba daudaun ne’e rekursu menus iha área juíz no Prokuradór. Tanba ita loke tan Tribunál Distritál foun tolu hanesan Maliana, Viqueque no Ermera.” Governante ne’e hateten bainhira abetura formasaun ne’e iha Caicoli, sesta ne’e.

Fromadu sira ne’e tuir kursu durante tinan- tolu iha Sentru Formasaun Jurídika no Judisiária, iha Dili

“Sira sei estuda iha área ida-idak-nian pur méritu durante tinan ida ho balun no sei iha exame finál atu pasa ba prenxe karreira área espesífiku,” Governante ne’e akresenta.

Nune’e, Minsitru Manuel husu ba formadu sira atu estuda ho didi’ak liuliu disipliña ho rigor atu sai Juíz, Prokuradór no Defesória Públika.

Iha biban hanesan, Prezidente Tribunál Rekursu, Deolindo dos Santos, Prezidente Repúblika promulga ona Lei Organizasaun Judisiária ba estabelese Supermu Tribunál ba Justisa, Tribunál Rekursu, Tribunál Primeira instánsia 13 no Supremu Tribunál Administrativo.

“Konsellu Majistratura Judisiária tenke haree prepara ema atu prenxe vaga sira ne’e hotu ate kompletu minimu juíz 20. Tanba agora ita iha de’it juíz 30-resin,” nia rekomenda.

Entretantu, Flaviana José Cristovão  hanesan formada sente kontente tanba admitada mós ba kursu área karreira Majistratura Ministériu Públiku nian.

Flavia kompleta, iha 2018, nia área direitu iha Universidade do Minho Portugál, no promete estuda makas hodi passa iha exame final.

Jornalista: Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here