Xefe Investigasaun PNTL-VPU Covalima, Primeiru Sarjentu Amelia de Jesus Amaral. imajen Tatoli/Celestina Teles.

COVALIMA, 11 marsu 2022 (TATOLI)–Komandu Polísia Munisípiu Covalima liuhosi Unidade Ema Vulneravél (VPU-PNTL), hahú janeiru to’o marsu 2022 ne’e VPU-PNTL rejista kazu abuzu seksuál ba menor no adolesente hamutuk haat (4).

Xefe investigasuan PNTL-VPU Covalima, Primeiru Sarjentu Amelia de Jesus Amarál, hateten PNTL-VPU Covalima regista kazu haat mak kazu abuzu seksuál ba minor ida (1) no adolesente tolu (3),

“Ami rejaista kazu haat mak hanesan kazu abuzu seksuál ba minor, abuzu seksuál ba adolesente ne’e na’in-tolu defisiensia komunikasaun. Kazu sira-ne’e ami rekomenda ona ba Ministériu Públiku,” Primeiru Sarjentu Amelia de Jesus Amarál informa ba Agênsia Tatoli, bainhira hala’o rede referál Munisípiu Covalima halo enkontru trimesteral iha Salaun MSSI, Suai Loro, sesta ne’e.

Dezafiu ne’ebé mak PNTL-VPU Covalima enfreta mak menus transporte hodi halo atendementu ba kazu hanesan kazu violénsia domestíka, abuzu seksuál no violensia bazea ba jéneru.

Nia dehan maske hasoru difikuldade maibé ida-ne’e la’ós sai difikuldade ba PNTL-VPU atu hala’o servisu maibé halo kolaborasaun ho komandante liu-liu iha Seksaun Investigasaun Krimanál, task force no rede referál sira iha munisípiu Covalima.

PNTL-VPU Covalima destaka ona ninia membru na’in-ida (1) iha eskuadra hotu maibé  PNTL-VPU iha munisípiu na’in-rua tanba foin lalais transfere ajente ida ba iha postu administrativu Fatumean nune’e rekursu menus, maibé la’ós sai dezafiu atu halo atendimentu ba kazu sira hodi halo prevensaun.

Papel PNTL-VPU pilar 13/25 hodi ko’alia kona-ba pilar haat mak hanesan partisipasaun, prevensaun, protesaun no harii pás.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here