Médiku hala'o vasina ba sidadaun ida hodi kombate moras Covid-19. Iha Sentru Saúde Formoza Dili, kuarta (09/02). Imajen Tatoli/Francisco Sony

DILI,10 marsu 2022 (TATOLI)—Diretora Servisu Saúde Munisípiu Dili, Agostinha Segurado, informa, hahú hosi implementasaun vasina Booster Pfizer (vasina datoluk) iha loron 04 janeiru to’o sidadaun hanesan liña frente, idozu, ema ho moras króniku no populasaun sira ne’ebé hetan ona imunizasaun hamutuk $10.000.

“Atividade vasina Booster Pfizer nafatin loke iha sentru saúde sira atu sé mak hakarak vasina bele hakat ba fasilidade saúde  ne’ebé mak besik. Ita mós la taka dalan ba komunidade sira ne’ebé mak hakarak simu vasina datoluk,” Diretora SSM Dili ne’e hateten iha nia knar fatin-Dili, segunda ne’e.

Notísia relevante:  Governu hahú implementa vasina doze datoluk ba liña frente

Iha sentru saúde hotu hotu loke ba iha doze dahuluk ba vasina Booster Pfirze no doze dahuluk no daruak ba AstraZeneca no doze dahuluk no daruak ba labarik  sira idade 12 to’o menus 18.

“Agora progresu ba vasina Pfizer ba labarik sira iha Dili iha 97% ona hein tan númeru balun ita kompleta ona 100%. Tanba totál labarik sira  ne’ebé iha hamutuk 42.120 ,” nia akresenta.

vasina doze datoluk ho tipu vasina Boostr Pfizer ne’e importante tebes atu hasa’e imunidade hodi prevene-an hosi moras COVID-19.

Enkuantu opulasaun elijível tinan 18 ba leten, ne’ebé simu ona vasina to’o iha loron 08 marsu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,5%) no kumulativu 2ª doze iha Dili (83,2%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,9% no simu ona doze daruak 72,1%.

Hahú 21 marsu 2020 to’o 09 marsu 2022 iha kumulativu kazu konfirmadu pozitivu COVID-19 22.777 no óbitu 129.

Notísia relevante: Membru Governu simu vasina Booster Pfizer

Jornalista : Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here