Reitór Universidade Nasionál Timor-Lorosa’e (UNTL), João Soares Martins. Imajen TATOLI/Francisco Sony

DILI, 10 marsu 2022 (TATOLI)—Reitór Universidade Nasionál Timor Lorosa’e (UNTL), João Soares Martins, konsidera kursu avansadu formál bele kontribui ba dezenvolvimentu siénsia.

Papel universidade mak tenke promove kursu mestradu no doutoramentu sira atubele promove atividade peskiza, investigasaun no inovasaun hodi bele kontribui ba dezenvolvimentu siensia ein jerál,” Reitór UNTL hateten ba Agência TATOLI, iha Fundasaun Oriente, Bairro Formosa, kinta ne’e.

Reitór hato’o lia hirak ne’e iha ámbitu lansamentu kursu mestradu UNTL ba tinan akadémiku 2022.

“Hanesan avansu ida, tanba papel universidade ida mak halo peskiza, maibé atividade ne’e atu lao di’ak tenke iha kursu mestradu di’ak, se lae peskiza ne’e labele la’o,” nia akresenta.

Notísia relevante: Inisia kursu mestradu, MESSK enkoraja UNTL asegura prosedimentu legál no institusionál

Aleinde ne’e, UNTL iha númeru kursu mestradu ne’ebé preparadu hanesan kursu iha área medisina tropikál, estudu páz no konflitu, área dezenvolvimentu komunitária, lian portugés, no matemátika.

“Daudaun kursu ne’ebé preparadu atu hakat ba garadusaun maka kursu mestradu ba jestaun ekonomia aplikada. Ita mós reativa programa mestradu no aproveita lansa kursu mestradu ba tinan akadémiku 2022, ne’ebé sira ne’ebé uluk funsiona ona no sei loke iha tempu badak,” nia akresenta.

Nune’e, Reitór universidade públiku ne’e agradese ba entidade ne’ebé envolve iha programa ne’e hodi bele prepara simu daudaun ona estudante iha anu letivu foun no garante katak setembru 2022 kursu ne’e bele realiza ona.

Jornalista : Tomé Amado

Editora     :  Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here