Bee-matan Oe-Naek iha aldeia Maunaebeno. Imajen Tatoli/Abilio Elo Nini.

OÉ-CUSSE, 10 marsu 2022 (TATOLI)—Sekretáriu Rejionál Agrikultura Rejiaun Administrativa Espesiál Oé-Cusse Ambeno (RAEOA), José Eta, hateten RAEOA kontinua fó importánsia hodi hala’o reflorestasaun liuhosi progama konserva bee-matan ho kuda ai-oan besik iha bee-matan sira iha Oé-Cusse.

Notísia Relevante: RAEOA distribui ai-oan rihun-18 refloresta bee-matan 114

“Tinan ne’e ba programa kuda ai-oan nafatin kontinua ba bee matan parte ida ba reflorestasaun iha Oé-Cusse. Tanba tuir peskiza kestaun bee menus, nune’e presiza kuda ai-oan halo kultivasaun ai barak,” Sekretáriu Rejionál Agrikultura Oé-Cusse ne’e hateten ba Agência Tatoli iha Oé-Cusse vila, kinta ne’e.

Tanba ne’e, nia dehan, dirasaun agrikultura tinan ne’e konstrui sentru viveiru rua iha rejiaun Nitibe no Oesilo sei prepara viveiru ai-oan rihun 60 hodi bele kontinua programa kuda ai-oan iha Oé-Cusse.

Iha dirasaun ne’e iha funsionáriu extensionista no guarda floresta hodi komunika ho líder komunitária atu bele kuda ai-oan iha fatin ne’ebé mak identifika no mós atende pedidu hosi komunidade no instituisaun Governu balun presiza distribui ai-oan.

“Tinan ne’e ita aloka orsamentu rihun $8 ba programa kuda ai-oan ne’e,” nia dehan.

Iha tinan 2020-2021, autoridade distribui kuda ona ai-oan rihun 50 ho tipu espésie 20-resin hanesan mahoni, kuluzaka, bua, aifuan naga, rambutan, heda, kafé no seluk tan ne’ebé foku konservasaun bee-matan kuaze hamutuk 114, kuaze área konservasaun ektare 180 ba suku sira hotu iha Oé-Cusse

Autoridade iha ekipa hodi halo monitorizasaun tempu udan no bailoron hodi asegura ninia sustentabilidade no rekruta mós guarda florestal na’in 20 atu koloka iha área protezida.

Jornalista : Nelson de Sousa

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here