Kandidatu Prezidente Repúblika períodu 2022-2027, Hermes da Rosa Correia Barros. Imajen Tatoli/Celestina Teles.

OÉ-CUSSE, 10 marsu 2022 (TATOLI)—Diretór Komisaun Nasionál Eleisaun (CNE, siglá potugés) Rejiaun Administrativu Espesiál Oé-Cusse Ambeno (Raeoa), Tomás Oqui Meta, informa kandidatu Prezidente Repúblika, Hermes da Rosa Correia Barros, kinta ne’e kansela atividade kampaña iha Oé-Cusse.

“Tuir ajenda kandidatu ne’e ohin hala’o kampaña iha Oé-Cusse maibé foin ami komunika fali sira-nia ekipa susesu katak kansela tanba ho razaun transporte,” Diretór CNE Oé-Cusse ne’e hateten ba Tatoli.

CNE Oé-Cusse simu ona informasaun hosi kandidatu Prezidente Repúblika ho númeru sorteiu rua (2), Hermes da Rosa Correia Barros, katak kandidatu refere kansela ninia atividade kampaña eleitorál iha RAEOA.

Nia hateten, tuir lei kandidatu hakarak hala’o fali kampaña iha Oé-Cusse mak presiza submete fila-fali pedidu antes loron lima hodi komunika ho CNE nasionál, no iha ona aprovasaun mak bele hala’o fali kampaña iha Oé-Cusse.

Tuir oráriu hosi órgaun eleitorál iha loron kinta (10/03) ne’e, kandidatu Prezidente Repúblika ho númeru sorteiru rua (2), Hermes da Rosa Correira Barros, hala’o kampaña ho tipu mini kampaña iha kampu futebol RAEOA, Sub-Rejiaun Pante Macassar, iha tuku 11h00 to’o tuku 14h30.

Jornalista : Nelson de Sousa

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here