Reprezentante Organizasaun Nasaun Unida ba Aihan no Agrikultura (FAO, sigla Inglés) ba Indonézia no Timor-Leste, Rajendra Aryal. Imajen/Natalino Costa

DILI, 10 marsu 2022 (TATOLI)— Primeiru Ministru, Taur Matan Ruak, kinta ne’e, hala’o enkontru ho Reprezentante Organizasaun Nasaun Unida ba Aihan no Agrikultura (FAO, sigla Inglés) ba Indonézia no Timor-Leste, Rajendra Aryal, hodi hato’o kompromisu kontinua apoia dezenvolve setór agrikultura iha Timor-Leste.

“Ha’u mai hasoru Primeiru Ministru, ko’alia kona-bá kooperasaun Timor-Leste ho FAO, liuliu FAO kompromete kontinua fó formsaun ba agrikutór sira hodi hasa’e produsaun ai-han iha rai laran inklui pronto apoia iha setór seluk mós,” Reprezentante FAO ba Indonézia no Timor-Leste, Rajendra Aryal, hateten ba jornalista sira hafoin ramata sorumutu ho Xefe Governu iha Pálasiu Governu, kinta ne’e.

Notísia relevante:  FAO fó treinamentu konservasaun agrikultura ba estensionista suku

Iha sorumutu ne’e, reprezentante FAO ne’e dehan durante nian mandate sei hametin liután kooperasaun ho Governu Timor-Leste hodi fó apoia asisnténsia tékniku iha área agrikultura hodi hasa’e rezilénsia adpata ba mudansa klímatika no seluk tan.

FAO servisu tinan barak ona iha Timor-Leste hodi fó apoia ba Timor-Leste iha área agrikultura, pekuária, peska no Floresta hodi hasa’e rezilénsia atu adapata ba mudansa klimatiku, seguransa alimanetar no dijitalizasun agrikultura.

Notísia relevante:  FAO apoia tablet digital 14 ba estensionista Bobonaro

Jornalista: Natalino Costa

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here