Diretór Jerál STAE, Acilino Manuel Branco. Imajen TATOLI/António ‘Dasiparu’ Gonçalves.

DILI, 09 marsu 2022 (TAT)OI)—Diretór Jerál Sekretariadu Tékniku Adminitrasaun Eleitorál (STAE), Acilino Manuel Branco, hateten STAE halo alterasaun ba sentru votasaun sira iha diáspora no rai-laran tanba udan no estrada aat. 

Notísia Relevante: Eleisaun prezidensiál 2022: Sentru votasaun 1200 no paralelu tolu

“Horisehik ami deside halo alterasaun ba sentru votasaun iha rai-laran tanba ita iha tempu udan entaun udan mai estraga hotu tiha sentru votasaun sira-ne’ebé ita estabelese ona, tantu iha rai-laran no diaspora ne’ebé ita públika ona iha Jornál Repúblika,” Acilino Branco hateten ba Agência TATOLI, iha resintu Palásiu Governu, kuarta ne’e.

Alterasaun ba sentru votasaun iha diáspora mak hanesan iha Londres ne’ebé antes ne’e koloka iha Belfast no agora tau fali iha Dungeon no sentru votasaun ida iha Austrália mós halo mudansa.

Kona-ba rai-laran, nia informa, muda sentru votasaun rua (2) mak iha munisípiu Ermera no neen (6) iha Aileu nian tanba situasaun ne’ebé afeta ba iklima no iha balun ne’ebé dalan mak aat entaun ita labele transporta sasán bá.

Nune’e, tuir nia, tenke muda sentru votasaun tanba lei mós fó dalan katak bele muda sentru votasaun ida bainhira iha estragu ruma maibé antes loron 10 atu tama ba loron eleisaun nian.

Dekretu Governu nú 6/2017, loron 27 fulan-fevereiru, ko’alia kona-ba mudansa ba sentru votasaun sira.

Totál sentru votasaun iha rai-laran inklui diáspora hamutuk 1.200 no estasaun hamutuk 1.500.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here