Ámbitu kampaña Kandidatu PR hosi PD, Mariano Assanami Sabino, iha kampu futeból, Viqueque villa, kuarta (09/03). Imajen TATOLI/Vitorino Lopes da Costa

VIQUEQUE, 09 marsu 2022 (TATOLI)-Prezidente organizasaun Movimentu Loriku, Jaimo da Silva Salsina, ofisialmente deklara fó apoiu ba Kandidatu Prezidente Repúblika (PR) hosi Partidu Demokrátiku (PD) ba períodu 2022-2027, ho númeru sorteiu 16, Mariano Assanami Sabino.

“Movimentu Loriku deklara fó apoiu ba Kandidatu Assanami ba Aitarak-laran, tanba ami hakarak Prezidente ne’ebé ho programa no sólidu ho povu tomak,” Prezidente organizasaun deklara iha kampaña Públiku Kandidatu PR Assanami, iha kampu futeból, iha Viqueque villa, kuarta ne’e.

Notísia relevante: Kandidatu PR Assanami hakarak hadi’a ekonomia ba bem estar povu

Biban ne’e, Prezidente Movimentu Loriku husu membru ne’ebé namkari iha Timór Laran tomak atu fó apoiu.

“Ami haree Kandidatu Mariano hatene liu povu nia susar no kondisaun. Tanba ne’e, ami fó apoiu tomak ba nia,” nia reforsa.

Tuir nia, Movimentu Loriku ninia estrutura balun sei iha partidu balun, maibé restrutura ona ninia estrutura hodi fó apoiu votu ba Kandidatu PR Assanami.

“Tanba ami haree laiha kandidatu ida maka liu Maun Assanami iha Timór. Kandidatu ne’e sei ba halo transformasaun ekilíbriu timor-oan hotu. Tanba ne’e maka ami hamosu hanoin ida hodi konsolida malu fó apoiu,” nia dehan.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here