Vice Ministru MNEC, Juliao da Silva. Imajen TATOLI/Egas Cristóvão

DILI, 09 marsu 2022 (TATOLI)- Vise Ministru Negosiu Estranjeiru no Kooperasaun (VMNEK), Julião da Silva, hateten prontu fasilita Sekretariadu Tékniku Administrasaun Eleitorál (STAE) no Komisaun Nasionál Eleisaun (CNE-sigla Portugés) hodi realiza eleisaun Prezidensiál iha diáspora liuliu Austrália.

“Ami prontu tanba esperiénsia iha ona, hein de’it STAE no CNE junta de’it ideia hamutuk no Tribunál fó sai dehan loos ona ita bele aranka hodi hala’o eleisaun iha diaspora liuliu Austrália,” Vise Ministru ne’e hateten ba Jornalista sira iha Pálasiu Governu, kuarta ne’e.

Notísia relevante: STAE komunika ona MNEK halo preparasaun ba fatin votasaun iha diáspora

Maibé, nia dehan  parte rua hanesan CNE no STAE sei hein hela desizaun hosi Tribunal atubele fó autorizasaun ou lae hodi realiza eleisaun iha Austrália.

Nune’e, Governante ne’e dehan bainhira Tribunál hola ona desizaun mak iha loron 14 marsu ekipa hosi Timor-Leste sei aranka ba Austrália hodi halo preparasaun.

Bazeia ba dadus iha períodu 2017, STAE rejista eleitór sira iha Aústralia hamutuk 1.487. Enkuantu eleitór sira iha Koreia Súl 1.277, Irlandia 1.264, Portugál 857 no Reinu Unidu 2.234.

Tuir atualizasun baze dadus iha territóriu nasionál eleitór hamutuk 864.754, kompostu hosi munisípiu Aileu 33.859, Ainaro 45.949, Baucau 96.875, Bobonaro 71.371, Covalima 47.965, Dili 191.423, Ermera 83.213, Lautém 48.665, Liquiça 51.160, Manatuto 35.926, Manufahi 41.012, RAEOA 51.653 no munisípiu Viqueque 58.564.

Notísia relevante:  STAE sei estabelese sentru votasaun sia iha diáspora 

Jornalista: Hortencio Sanchez

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here