Kandidatu Prezidente RepÚblika, Constancio Pinto. Imajen Tatoli/Celestina Teles.

COVALIMA, 09 marsu 2022 (TATOLI)—Kandidatu Prezidente Repúblika ho númeru sorteiu 11, Constancio Conceição Pinto, hateten bainhira povu fó fiar sai Prezidente Repúblika períodu 2022-2027 mak nia sei propoin ba Governu hodi kria bolsa estudu ba Prezidente Repúblika.

“Ha’u fó prioridade ba edukasaun, ha’u sei kria bolsa estudu ba Prezidente Repúblika atu fó asisténsia ba inan-aman ne’ebé laiha kapsidade atu selu oan sira-nia eskola. Ha’u’nia mandatu ita sei haruka estudante 10.000 ba estuda iha rai-li’ur, nune’e ita bele halo dezenvolvementu iha ita nia rai,” Kandidatu PR Constansio Pinto hato’o liuhosi kampañia ne’ebé realiza iha suku Ogues , kuarta ne’e.

Kandidatu ne’e hateten, setór edukasaun importante hodi haruka estudante estuda iha rai-li’ur, kria kondisaun ba profesór no eskola balun estudante sira kontinua tuur iha rai tanba laiha meza no kadeira.

Nia fó prioridade aas ba setór edukasaun nune’e atu atribui bolsa estudu, joven sira 50% agora sira-nia futuru la klaru, tanba ne’e mak fó proriodade hodi atribui bolsa estudu sei la haree ba kór maibé tratamentu hanesan.

“Iha ita-nia aldeia, joven ne’ebé matenek bainhira inan aman la iha osan, ita haruka nia ba eskola iha rai-li’ur, nune’e estudante bele iha kunesementu di’ak hodi halo  dezenvolve n ba Estadu no ba  sira nia familia”nia hateten

Prezidente nia kompeténsia hatuur ona iha konstitusaun RDTL sei servisu hamutuk órgaun sosiedade sivil no rejiaun sira.


Apoiante Kandidatu Prezidente RepÚblika, Constancio Pinto. Imajen Tatoli/Celestina Teles.

Aleinde ne’e, nia sei fó prioridade ba setór edukasaun nian mós sei propoin ba Governu hodi halo modernizasaun ba F-FDTL no kria lei obrigatóriu, joven sira tenke sai membru F-FDTL hodi bele halo preparasaun fízika, mental, skill ho di’ak.

“Edukasaun liga ita-nia formasaun hanesan PR, F-FDTL sai sentru formasaun ba joven sira hodi halo modernizasun ba F-FDTL no sei kria politika lei servisu militár obrigatóriu tenke sai F-FDTL,” nia dehan.

Tanba kada tinan Governu prevee orsamentu ba setór edukasaun no agrikultura kiik, nune’e timor leste dependensia foos importasaun hosi rai-li’ur entaun natar barak iha rai-laran abandona tanba politika agrikultura ladún di’ak.

Prezidente nia kompeténsia la’os haree de’it ba setór prioridade sira hodi propoin ba Governu, maibé sei hametin politika esterna lori naran Timor-Leste ba iha mundu hodi dada investedór mai iha veste iha Timor-Leste bele loke kampu traballu ba joven sira.

Iha komísiu ne’e hetan supervizona hosi Komisaun Nasionál Eleisaun, Provedoria Direitu Umanu no Justisa no obervadór internasionál hodi haree prosesu hotu, inklui Lei Eleitorál nian hodi bele fó susesu ba iha kampaña tinan ida-ne’e.

Jornalista : Celestina Teles

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here