Ministru Prezidensial Konsellu Ministru, Fidelis Manuel Leite Magalhães. Imajen TATOLI/Francisco Sony

DILI, 09 marsu 2022 (TATOLI)—Vise-Ministru Interiór, António Armindo, aprezenta Projetu Dekretu-Lei iha reuniaun Konsellu Ministru (KM), kuarta ne’e, kona-ba kriasaun 112 hanesan númeru úniku nasionál emerjénsia nian. 

“Inisiativa ne’e hetan ona aprovasaun, ne’ebé númeru emerjénsia ne’e bele uza gratuita, kobre territóriu nasionál no permite asesu ba sistema emerjénia oioin, hanesan koordenadu hosi Polísia Nasionál Timor-Leste, Servisu Nasionál Ambulánsia no Emerjénsia Médika no Bombeiru,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha Palásiu Governu.

Portavóz Governu ne’e dehan, maski númeru ne’e públiku hatene ona maibé presiza sosializa liután tanba antes ne’e Ambulánsia, Polísia no Bombeiru nia númeru ketak-ketak.

“Entaun ida-ne’e hanesan esforsu ida atu halo iha plataforma ida de’it, ne’ebé kualkér emerjénsia ruma mak ita hasoru tantu dezastre ka ahi-han uma, ou krime ruma bele liga ba númeru ida-ne’e maka sei iha sala sentru integradu, ne’ebé maka pesoál sira sei servisu durante horas 24 nia laran,” nia informa.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here