Reitór UNTL, João Soares Martins. Imajen TATOLI/Francisco Sony

DILI, 08 marsu 2022 (TATOLI)–Reitór Universidade Nasionál Timor-Lorosa’e (UNTL), João Martins, hateten, parte universidade buka ona solusaun ba espasu atu simu estudante admitidu hamutuk 6.007, ne’ebé Komisaun Asesu Engeresu Ensinu Superiór (KAEES) fó sai ona.

“Estudante foun ne’ebé pasa iha tinan ida-ne’e barak liu kompara ho tinan kotuk. Maibé UNTL halo hela jestaun internál ida di’ak atu solusiona númeru estudante 6.007 ne’ebé iha tempu besik atu tama mai,” Reitór UNTL informa ba jornalista sira, iha salaun enkontru Ministériu Ensinu Superiór Siénsia no Kultura (MESSK), Colmera, tersa ne’e.

Notísia relevante: Kandidatu 6.352 admitidu ba UNTL no IPB tinan akadémiku 2022

Tuir nia, sala iha universidade ne’e naton de’it, maibé ho kondisaun hirak ne’e, jestór sira tenta atu responde internalmente.

“Karik balun keta hetan fali oportunidade pasa iha fatin seluk no labele mai, bele fó kama’an ba ita, maibé ami ninia preparasaun prontu atu asegura nafatin hodi simu númeru estudante admitidu,” nia akresenta.

Númeru estudante admitidu ba tinan akadémiku 2022, kompostu hosi rejime jerál 4.428, rejime espesiál sub rejime oportunidade 527, rejime espesiál sub rejime veteranu, veteranu sira-nia oan no mártir nia oan 637, rejime espesiál sub rejime hakbiit 350 no rejime espesiál sub rejime sira seluk 65.

Jornalista : Tomé Amado

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here