Ilustrasaun kampaña HIV/AIDS. Foto google

BOBONARO,08 marsu 2022 (TATOLI) – Prezidente Institutu Nasionál Komabate SIDA, Atanasio de Jesus, fó-sai katak, Timor-Leste rejista ona ema na’in-1.526 mak infestadu Human Immunodeficiency Virus/Aquired immune Deficiency Syndrome (HIV/AIDS) no hosi númeru ne’e pasiente na’in-166 mak mate ona.

“Agora daudaun ita iha dadus ema na’in-1.526 mak afetadu virus HIV. Hosi totál númeru ne’e iha na’in-166 maka mate ona no agora balun ne’ebé halo tratamentu ne’e hamutuk na’in-719 halo hela tratamentu, depois kuaze 500 ba leten mak lakon hosi tratamentu,” nia ko’alia iha Eskola Koléjiu Infate de Sagres Maliana, tersa ne’e.

Hosi totál kazu ne’e munisípiu Dili mak rejista aas-liu, tuir mai Bobonaro, Covalima, Rejiaun Administrativu Espesiál Oe-Cuse Ambeno (RAEOA), Baucau no Ermera.

Tuir nia, hosi totál kazu 1.526 iha pasiente ne’ebé lakon hosi tratamentu ne’e mak fó rikus boot ba ema seluk tanba la konsúmu ai-moruk Antiretroviral (ARV), entaun vírus ne’e ninia Vira Loute (VL) ativu fila-fali no ninia transmisun hosi ema ida ba ema seluk lalais liu.

“Sira-ne’ebé drop out (lakon kontaktu) ne’e mak halo hotu tratamentu entaun ita-nia kazu la aumenta ida, agora sira lakon tratamentu tanba parese distánsia,” nia katak.

Nia husu ba populasaun iha territóriu nasionál atu idak-idak aplika maneira prevensaun sira hanesan labele halo relasaun seksuál ho ema-ne’ebé infetadu HIV.

Notísia relevante: Saúde Bobonaro lakon kontaktu ho pasiente HIV/AIDS na’in-20

Jornalista   : Sérgio da Cruz

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here