PNTL Baucau kaptura ema na’in-hitu relasiona ho konfrontu iha área Bercoli, Venilale. Imajen espesiál.

BAUCAU, 08 marsu 2022 (TATOLI) – Komandu Polísia Nasionál Timor-Leste Munisípiu Baucau kaptura ona ema na’in-hitu no oras ne’e aplika Termu Identidade Rezidénsia.

Komandante PNTL Munisípiu Baucau, Superintendente António de Sá hateten, polísia kaptura ema na’in-hitu ne’e iha suku Uma-Ana Ulo no Bahamori, postu administrativu Venilale.

“Iha indísiu sira-ne’e membru grupu arte-marsiál ne’ebé ita aprofunda hela no kaptura ona ita sei aprezenta motivu hosi kazu,” Komandante PNTL Baucau hateten iha Vila Nova, tersa ne’e.

PNTL rekolla ona evidénsia hanesan uma hetan estragu, karreta ida, motorizada rua rahun no vítima kanek na’in-13 nune’e iha indísiu ba sira-nia involvementu.

Ema na’in-hitu ne’ebé PNTL Baucau suspeita ho inisiál TMS (21), RP (20), BDS (19), AF (20), NFB (47), JCB  (23) no JAS (50).

Hafoin kaptura iha loron segunda (07/08), PNTL aplika Termu Identidade Rezidénsia (TIR) ba suspeitu na’in-hitu re’e no kontinua hala’o investigasaun hodi hatene motivu hosi kazu akontesementu refere molok aprezenta ba Ministériu Públiku.

PNTL Baucau nafatin koordena ho koordenadór ekipa susesu kandidatura Prezidente Repúblika sira atu kolabora hodi kontinua identifika suspeitu sira-ne’ebé seidauk kaptura.

Notísia relevante: PNTL kontinua buka-tuir autór ba konfrontu iha Baucau       

Jornalista   : Natalino Belo

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here