Diretór CNE Viqueque, Honorio Cruz da Silva. Imajen TATOLI/Vitorino Lopes da Costa

VIQUEQUE, 08 marsu 2022 (TATOLI)-Kandidatu independente Prezidente Repúblika (PR) períodu 2022-2027, ho númeru sorteiu 02, Hermes da Rosa Correia Barros, tersa ne’e, kansela ninia atividade kampaña iha munisípiu Viqueque.

“Órariu kampaña iha Viqueque iha rua, maibé kandidatu Hermes maka kansela ninia kampaña. Ohin dadeer ha’u telefone ba ninia ekipa susesu sira maka dehan kansela,” Diretór Komisaun Nasionál Eleisaun (CNE, sigla portugés) Viqueque, Honorio Cruz da Silva, hateten ba Agência TATOLI, iha ninia knaar fatin Beloi, tersa ne’e.

Notísia relevante: Hermes Barros hakarak promove Timor-Leste ba investidór sira

Maski nune’e, to’o agora ekipa susesu seidauk submete órariu foun ruma ba CNE.

“Ami sempre halo konfirmasaun ba kandidatura sira ne’ebé maka mai halo kampaña iha munisípiu Viqueque,” nia akresenta.

Tuir órariu, Kandidatu PR Hermes realiza kampaña hahú tuku 11:00 to’o tuku 14:30, ho tipu mini kampaña, iha kampu Buicarin, postu Viqueque villa, munisípiu Viqueque.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here