iklan

EKONOMIA, COVALIMA

2020-2021: SERVE, I.P rejista xines na’in-ualu halo negósiu iha Covalima

2020-2021: SERVE, I.P rejista xines na’in-ualu halo negósiu iha Covalima

Koordenadora SERVE, I.P Covalima, Maria Fatima Luiza de Araújo. Imajen Tatoli/Celestina Teles.

COVALIMA, 08 marsu 2022 (TATOLI)–Koordenadora Servisu Rejistrasaun no Verifikasaun Emprezariál (SERVE, I.P) sukursál munisípiu Covalima, Maria Fárima Luiza de Araújo informa, hahú iha tinan 2020 to’o tinan 2021 ne’e SERVE, I.P rejista xines na’in-ualu (8) hala’o atividade negósiu iha Covalima.

Notísia Relevante: SERVE rejista empreza foun 4.200 iha tinan 2021

“Ita haree bazea ba dadus hosi inísiu, hahú hosi maiu 2020 to’o iha tinan 2021 ne’e, ita rejista ona ba ita-nia maluk estranjeiru sira liu-liu xines sira harii sira-nia kompañia hamutuk na’in-ualu (8),” Maria Fárima Luiza de Araújo hatetetn ba Agência Tatoli, iha nia knar fatin Bairru Pite, Cobalima, tersa ne’e.

Xinez na’in-ualu ne’e maiória hala’o atividade negósiu hanesan faan mesesidade bázika no bebidas, ekipamentu doméstiku, materiál konstrusaun, roupa no ekipamentu eletrónika ne’ebé lokaliza iha Suai Vila no ba iha postu administrativu sira.

Kona-ba xinez sira-ne’ebé halo negósiu iha postu administrativu Zumalai ne’e, nia dehan, rejista iha SERVE, I.P nasionál tanba SERVE, I.P sukursál iha munisípiu Covalima estabelese iha tinan 2020 fulan maiu.

“Ita-nia maluk estranjeiru ne’ebé halo negosiu iha postu administrativu Zumalai sira seluk ne’ebé ita-boot sira haree, sira rejista tempu ne’ebé mak SERVE seidauk eziste iha Covalima no sira halo rejista iha SERVE nasionál,” nia dehan.

Papel SERVE, I.P atu halo atendimentu halo rejista no renovasaun dokumentu mate, sira-nia atividade balun hanesan ohin loron loke kioske, balun hakarak faan roupa, sira mai aumenta de’it sira-nia atividade iha SERVE no sira halo alterasaun ba sira-nia dokomentu hanesan muda sede.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!