Labarik barak partisipa iha kampaña Kandidatu PR períodu 2022-2027 iha Viqueque, sesta (04/03). Imajen TATOLI/Vitorino Lopes da Costa

DILI, 07 marsu 2022 (TATOLI)—Institutu Defeza Direitu Labarik (IDDL), Dinorah Granadeiro, hateten IDDL rejista labarik barak partisipa iha atividade kampaña eleitorál tanba partidu polítiku mak mobiliza sira.

Notísia Relevante: Labarik hatais faru partidu nian tuir kampaña ne’e kontra regra

“Partidu polítiku mobiliza labarik iha kampaña eleitorál maihosi munisípiu lima ne’ebé ita deteta mak hosi Baucau, Covalima, Ermera, Manatuto no Viqueque,” Dinorah Granadeiro hateten ba Agência TATOLI, iha nia knaar fatin Caicoli, Dili, segunda ne’e.

Ekipa IDDLdeteta irregularidade ida-ne’e tanba servisu hamutuk ho Komisaun Nasionál Eleisaun (CNE, sigla portugés) no Polísia Nasionál Timor-Leste (PNTL) bainhira halo observasaun ba kampaña eleitorál iha semana dahuluk nian, no realidade ne’ebé hetan mak labarik kontinua partisipa iha kampaña eleitorál no labarik sira-ne’e kuaze kandidatu Prezidente Repúblika mak mobiliza hodi partisipa iha kampaña.

Iha kampaña eleitorál ne’e, nia informa, IDDL konsege bolu labarik sira-ne’ebé mak involve iha kampaña ne’e sira haruka hasai farda partidu nian no haruka labarik sira fila ba sira-nia uma.

“Tanba ita haree kuaze kandidatu PR mobiliza labarik hodi pinta sira-nia isin lolon ho naran partidu, tara tais ba kandidatu sira no balun involve iha dansa kultura, kaer bandeira partidu nian, ida-ne’e mak sai ami-nia foku dahuluk iha kampaña. Ami haruka hasai farda no ami esplika ba sira depois haruka sira fila ba sira-nia uma,” nia dehan.

Iha kampaña nia laran, IDDL mós fahe brosura ba labarik nia inan-aman no ema ne’ebé mak partisipa iha kampaña, nune’e bele evita mobiliza labarik iha kampaña no karik iha inan-aman ruma ba tuir karik labele lori sria-nia oan ba tuir kampaña.

Notísia Relevante: CNE husu apoiante kandidatu PR evita mobiliza labarik partisipa kampaña

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here