Kandidatu Prezidente Repúblika (PR) períodu 2022 to’o 2027, ho  númeru sorteiu 4, Rogério Tiago Lobato. Imajen/Argentina Cardoso.

BOBONARO, 06 marsu 2022 (TATOLI)—Kandidatu Prezidente Repúblika ho númeru sorteiu haat (4), Rogério Tiago Lobato, kansela kampaña ba da-haat ho tipu aberta iha kampu Futebol, postu administrativu Maliana, munisípiu Bobonaro.

Notísia Relevante: Rogério Lobato hakarak moderniza F-FDTL

“Loloos halo kampaña ohin duni, maibé tanba razaun sira hanesan primeiru transporte falla tanba ne’e mak horisehik ami seidauk ba iha Maliana no ekipa ne’ebé establese iha ne’ebá mós seidauk preparadu ida,” Koordenadór Ekipa Susesu, Mateus Maia de Jesus, informa ba Agência Tatoli, liuhosi telefónika, domingu ne’e.

Maske nune’e, nia dehan, daudaun ne’e ekipa nasionál sei esforsu hela halo kontaktu ho ekipa sira iha baze to’o agora seidauk hetan resposta pozitivu ruma, maibé planu ba atividade kampaña ne’e sei realiza iha Maliana ho tipu “door-to-door” ka tama-sai uma hodi fahe stiker.

“Ami sei hein nafatin informasaun hosi ekipa sira iha baze. Hakarak ka lakohi, tenke realiza aktividade kampaña maibe depois sira informa mai ami mak ami sei relata fali ba iha CNE nasionál, nune’e bele fó fali oráriu kamapaña mai ami antes de loron ikus kampaña ramata iha loron 16 fulan-marsu ne’e,” nia dehan.

Tuir kalendáriu kampaña ne’ebe distribui husi Komisaun Nasionál Eleisaun (CNE, sigla portugés) ne’e, kandidatu Prezidente Republika Independente, Rogerio Tiago Lobato sei halo kampaña aberta iha kampu Futebol ka GOR, postu adminístrativu Maliana, iha domingu (06/03) ohin, hahú hosi tuku 10h00 to’o tuku 18h30 lorokraik.

Maske nune’e, tuir oráriu kandidatu Repúblika ho númeru sorteiu haat (4) ne’e, iha tersa (08.03) ne’e sei realiza kampaña aberta iha Luak, postu adminístrativu Same, munisípiu Manufahi, hahú hosi tuku 10h00 to’o tuku 18h30 lorokraik.

Notísia Relevante: Kandidatu PR Rogério Lobato kansela kampaña aberta iha Gleno

Jornalista : Sergio da Cruz

Editor       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here