Grupu Movimentu Defisiénsia Visaun Foun halo konferénsia imprensa hodi deklara apoia kandidatu José Manuel Ramos. Imajen Tatoli/Osória Marques.

DILI, 05 marsu 2022 (TATOLI) – Prezidente Grupu Movimentu Defisiénsia Vizaun Foun (GMDMF), sábadu ne’e, deklara apoia kandidatu Prezidente Repúblika (PR) 2022-2027, José Ramos Horta.

“Ohin, ami Grupu Movimentu Defisiénsia Visaun Foun hakarak deklara hodi fó ami-nia apoia ba kandidatu ho númeru sorteiu 14, José Manuel Ramos Horta”, Prezidente GMDVF ko’alia iha MBX, Tasitoli, Dili.

Tanba GMDVF haree katak kandidatu PR José Ramos Horta no akompaña hosi Prezidente Partidu CNRT, Xanana Gusmão mak bele hadi’a situasaun krize institusionál no krize polítika.

Reprezentante kandidatu Prezidente Repúblika, José Ramos Horta, José Luis Guterres ‘Lugu’ mak tara-tais ba Prezidente GMDVF.

“Avo na’in-rua mak bele defende ita-nia soberania Timor-Leste nian hanesan rai-maran, tasi no lalehan tanba ne’e ami fó fiar tomak ba ita-nia avo na’in-rua hodi lori nasaun ne’e ba dezenvolvimentu ida-ne’ebé di’ak ba ita povu Timor-Leste ,” nia hateten.

Ema ho defisiénsia iha Timor-Leste hamutuk rihun 38 resin no hosi ne’e ema ho defisiénsia matan hamutuk 14.828.

Jornalista   : Osória Marques

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here