Labarik otas ki’ik barak mak partisipa iha kampañia eleitorál iha Covalima. Imajen Tatoli/Celestina Teles.

22:56:20COVALIMA, 05 marsu 2022 (TATOLI)—Komisaun Nasionál Eleisaun (CNE, sigla Portugés) Covalima deteta labarik barak partisipa iha kampaña eleitorál bainhira kandidatu Prezidente Repúblika Mariano Assanami Sabino Lopes ho númeru sorteiu 16 hala’o kampaña ba dahaat iha Covalima.

Notísia Relevante: Labarik hatais faru partidu nian tuir kampaña ne’e kontra regra

Diretór CNE Covalima, Hermenegildo de Sena, hateten labarik barak partisipa iha kampaña eleitorál ne’ebé tuir loloos labele tanba lei la fó dalan, maibé labarik sira-ne’e família mak lori sira hodi tuir atividade kampaña.

“Ohin, kandidatu PR ho númeru sorteiu 16 iha Covalima, loos duni ami deteta labarik ho otas kiik barak mak asiste no partisipa iha kampaña. Situasaun ne’e ami nota no sei hato’o ba komisáriu hodi deside iha plenária CNE nian. Maibé labarik sira-ne’e, sira-nia inan-aman lori sira mai tuir kampaña,” Hermenegildo de Sena hateten ba Agência Tatoli, iha Kampu Ladi, sábadu ne’e.

Bazea ba regra, labarik sira labele partisipa iha kampaña eleitorál tanba sira-nia tinan seidauk to’o no seidauk iha kartaun eleitorál, no seidauk iha direitu hodi ezerse sira-nia direitu votu hodi hili kandidatu Prezidenbte Repúblika iha eleisaun prezidensiál ne’ebé sei realiza iha 19 marsu 2022.

Iha kampaña eleitorál ne’e, CNE observa katak kandidatu PR Mariano Assanami Sabino Lopes ho númeru sorteiu 9 ne’e kumpre kalendáriu kampaña hodi hahú halo kampaña iha tuku 15h00 remata iha 18h00.

Notísia Relevante: INDDICA observa labarik barak maka asiste iha kampaña

Jornalista : Celestina Teles

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here