Reitora IPDC, Madre Elvina Martins Brito. Imajen TATOLI/Egas Cristóvão

DILI, 04 marsu 2022 (TATOLI)–Reitora Institutu Profisionál de Canossa (IPDC), Madre Elvina Martins Brito, relata katak prosesu pagamentu propina semester par ba estudante 303 realiza ona, maibé pagamentu ladun másimu.

“Ami-nia pagamentu hahú ona maibé foin maka atinje 35% tanba vontade estudante nian atu mai halo konfirmasaun propina ne’e mak ladun iha,” Reitora IPDC informa ba Agência TATOLI, iha edifísiu Manleuana, Has-laran, sesta ne’e.

Notísia relevante: MF realiza pagamentu inzensaun propina faze daruak ba estudante 66.106

Tuir prosedimentu, pagamentu propina ba estudante iha Instituisaun Ensinu Superiór Públiku no Privadu (IESPP) 18 ninia durasaun tempu to’o de’it loron-90, hahú hosi janeiru no sei ramata iha marsu nia laran.

“Tanba ne’e, institutu ne’ebé ninia pagamentu tarde, tenke halo ezersísiu maka’as atubele aselera lalais prosesu pagamentu ba estudante sira,” nia akresenta.

Subsídiu ne’ebé Ministériu Finansa (MF) transfere ba konta bankária IPDC hamutuk $45.450 hodi halo pagamentu inzensaun propina ba estudante 303, kompostu hosi na’in-133 hosi Departamentu Jestaun Administrativa no na’in-170 hosi Departamentu Tékniku Kompetisaun Informátika.

Iha sorin seluk, instituisaun halo nafatin esforsu atu finaliza prosesu pagamentu tuir prosedimentu ne’ebé Ministériu Ensinu Superiór Siénsia no Kultura (MESSK) deside ona, atu nune’e labele prejudika serbisu Inspetór Jerál ministériu.

MF prevee fundu $5.428.394 ba Instituisaun Ensinu Superiór 18, kompostu hosi públiku rua no privadu 16, hodi halo pagamentu inzensaun propina ba estudante hamutuk 66.106.

Jornalista : Tomé Amado

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here