Diretór CNE Viqueque, Honoriu Cruz da Silva. Imajen TATOLI/Vitorino Lopes da Costa

VIQUEQUE, 04 marsu 2022 (TATOLI)-Diretór Komisaun Nasionál Eleisaun (CNE, sigla Portugés) Viqueque, Honorio Cruz da Salva, informa, kandidatu Prezidente Repúblika períodu 2022-2027 ho númeru sorteu 15, Felisberto Araújo Duarte, kansela atividade kampaña iha Beloi, munisípiu Viqueque.

“Kandidatu Felisberto informa ba ami katak sira kansela atividade fahe pamfletu ba simpatizante kandidatu iha Beloi, munisípiu Viqueque,” Diretór CNE munisipál hateten ba Agência TATOLI, via telefónika, sesta ne’e.

Notísia relevante: Eleitu sai PR, Felizberto Araújo sei estabelese programa kréditu ba eskola

Tuir Honorio Cruz, bainhira Kandidatu PR atu munda ninia órariu tenki hatama fali órariu foun iha CNE nasionál.

“Ezemplu kandidatu sira atu muda ka halo alterasaun oráriu iha loron 04 marsu ne’e, entaun loron-lima fali maka sira halo filafali sira-nia atividade kampaña, ha’u hanoin tuir prosedimentu tenke hanesan ne’e,” nia akresenta.

Maki nune’e, kandidatu númeru sorteiu 15 ne’e kansela ninia atividade maibé seidauk fó fali órariu foun ruma ba CNE, kandidatu informa maka kansela atidade loron ohin nian.

Tuir órariu, Kandidatu PR Felisberto ba loron datoluk iha loron 04 marsu, hahú tuku 08:00 to’o 17:00.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here