Labarik idade kiik envolve iha kampaña prezidensiál ne'ebé realiza iha kampu Triloka, Baucau, kinta (03/03). Imajen Tatoli/Natalino Belo.

BAUCAU, 03 marsu 2022 (TATOLI) – Polísia Nasionál Timor-Leste (PNTL) hamutuk Komisaun Nasionál Eleisaun (CNE, sigla portugés) bandu labarik sira envolve iha realizasaun kampaña eleitorál.

Komandante PNTL Munisípiu Baucau,  Superintendente Xefe António de Sá hataten, sei koordena parte koordenadór ekipa susesu iha munisípiu Baucau atu kumpri Lei Eleitorál ba Prezidente Repúblika, paktu seguransa ne’ebé asina ona on sita la envolve labarik iha kampaña eleitorál.

“Regra la autoriza atu labarik sira-ne’ebé idade minoridade partisipa iha kampaña eleisaun prezidensiál tinan-ne’e tanba kampaña eleitorál ne’e lei prevee ba sidadaun sira-ne’ebé idade boot,” Komandante PNTL Baucau hateten iha Vila Nova, kinta ne’e.

Labarik idade kiik envolve iha kampaña prezidensiál ne’ebé realiza iha kampu Triloka, Baucau, kinta (03/03). Imajen Tatoli/Natalino Belo.

Maske durante periódu kampaña eleitorál envole labarik ki’ik balun nune’e PNTL hamutuk ho CNE sei fó atensaun ba kada koordenadór sira evita involvementu labarik iha kampaña prezidensiál.

Durante períodu kampaña identifika labarik sira partisipa iha kampaña parte seguransa sei foti medida iha fatin kampaña. “Kuandu identifika labarik envolve ita-nia membru sira sei atua hodi haruka fila ba sira-nia uma,” António akresenta.

Diretór CNE Baucau, Esmeraldo Damião Belo hateten, CNE hamutuk ho PNTL inklui koordenadór ekipa susesu sira liuhhosi enkontru konkorda no asina ona paktu seguransa hodi evita labarik iha kampaña.

“Karik akontese ita sei realiza enkontru hodi hato’o ba parte kompetente atu tau atensaun,” Esmeraldo hateten.

Tuir observasaun Agência Tatoli iha terenu nota katak, loron dahuluk kampaña eleitorál iha Baucau envolve labarik sira. Nune’e mós iha labarik balun akompaña inan-aman ba partisipa iha kampaña no labarik balun uza tán kamizola kandidatu nian.

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here