Kandidata Isabel da Costa Ferreira. Imajen Tatoli/Francisco Sony.

BAUCAU, 03 marsu 2022 (TATOLI) – Kandidata Prezidente Repúblika Isabel da Costa Ferreira, hateten kualkér kandidatura ne’ebé eleitu iha elisaun prezidensiál mai tenke kolobora ho governu atu valoriza veteranu sira.

Kandidatura ho númeru sorteiu 1, Isabel Ferreira mós hato’o parabéns ba veteranu iha Timor laran tomak relasiona ho selebrasaun loron nasionál veteranu ne’ebé monu iha 3 marsu.

“Prezidente se de’it mak eleitu tenke serbisu hamutuk ho governu atu fó atensaun espesiál ba veteranu sira,” Kandidata Isabel Ferreira hateten iha Sentru Konvensaun Baucau (CBB, sigla Portugés), kinta ne’e.

Isabel akresenta, estadu nafatin fó omenajen ba ninia erói no mártir sira tanba fó ona aan ba liberta rai no timor-oan hotu hakarak hatutan veteranu sira-nia mehi atu liberta povu Timor-Leste.

Entretantu, ohin loron 3 marsu hanesan loron nasionál ba veteranu sira, estadu deside loron refere tanba loron 3 marsu 1981 nu’udar re-organizasaun funu liuhosi konferénsia Maubai hodi deside prosesu luta tomak iha komanda ida nia oreintasaun nune’e ikus mai Timor-Leste restaura independénsia iha loron 20 de maiu 2022.

Jornalista   : Natalino Belo

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here