Membru PNTL halo simulasaun hodi asegura eleisaun iha Baucau. Imajen Tatoli/Natalino Belo.

BAUCAU, 01 marsu 2022 (TATOLI) – Polísia Nasionál Timor-Leste (PNTL) Munisípiu Baucau realiza simulasaun ho objetivu prevene konflitu durante kampaña eleisaun prezidensial.

Komandante PNTL Baucau, António de Sá hateten, simulasaun refere hanesan parte preparasaun PNTL Baucau hasoru festa demokrasia iha área jurídiku Baucau nian.

“Intensaun halo simulasaun tanba munisípiu Baucau sai hanesan barrometru ba Dili, kuandu Baucau hakmatek konserteza Dili no munisípiu seluk hakmatek,” Komandante PNTL Baucau hateten iha Vila Antiga, tersa ne’e.

Simulasaun hala’o hosi PNTL Unidade Espesiál kompañia Bravo Batallaun Orden Públika (BOP) sentru leste hanesan parte preparasaun hodi prevene konflitu durante períodu eleisaun prezidensiál.

Antes simulasaun, membru PNTL hahú ho formatura no rona instrusaun hosi Komandante PNTL Baucau, kontinua kedas ho haleu sidade laran no hala’o simulasaun dahuluk iha estrada diresaun Viqueque, Vila Nova no daruak iha estrada diresaun Lautém, Vila Antiga.

Ekipamentu ne’ebé utiliza iha simulasaun mak gas, ekipamentu protesaun no halo formatura orden públiku inklui evakuasaun ba vitíma sira.

Jornalista   : Natalino Belo

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here