Diretór STAE Baucau, Lúcio Freitas Salvador. Imajen Tatoli/Natalino Belo.

BAUCAU, 28 fevereiru 2022 (TATOLI) – Sekretariadu Tékniku Administrasaun Eleitorál (STAE) munisípiu Baucau identifika tótal sentru votasaun 32 difisil transporta materiál sensitive no naun-sensitivu tanba kondisaun estrada grave.

Diretór STAE Baucau, Lúcio Freitas Salvador, esplika, sentru votasaun 32 refere kuaze rejista iha postu admistrativu Baguia, Venilale, Vemase, Laga, Quelicai no Baucau Vila.

“Sentru votasaun sira-ne’e karreta liu labele, uza kuda, bainhira kuda mak liu labele ona, últimu rekursu mak ba ho ema maibé labele ona tuir lei eleisaun, bele realiza iha loron tuir mai,” Diretór STAE Baucau hateten iha vila nova, segunda ne’e.

Sentru votasaun 32 ne’e kompostu hosi Laga tolu hanesan suku Atelari, Sagadati no Libagua. Postu Baguia hanesan suku Afaloicai iha sentru votasaun tolu, Ossohuna sentru votasaun ida, Haeconi ida, Larisula rua no Suku Samalari sentru votasaun ida.

Purtantu, sentru votasaun ida iha postu Quelicai, iha Uadaboru sentru votasaun ida-ne’ebé estrema tebes tanba iha foho-leten nune’e sei utiliza ema mak lori tanba laiha estrada.

Hosi parte Baucau Vila iha Suku Gariuai, aldeia Uatuwa iha sentru votasaun ida, postu Venilale sentru votasaun iha suku Uaioli, aldeia Osogori no suku Bahamori, aldeia Lakuma no Vemasse iha Uaiharebo sentru votasaun ida.

STAE mós prepara senáriu tolu atu transporta materiál sensitivu no la’ós-sensitivu hanesan karreta, kuda no ema tuir kondisaun klima, kondisaun rai inklui infraestrutura hanesan estrada.

Tótal sentru votasaun iha Baucau hamutuk 125 no estasaun votu hamutuk 150 ho totál votante na’in-96.875.

Jornalista   : Natalino Belo

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here