STAE Baucau koordena ho autoridade lokál inklui PNTL relasiona ho preparasaun eleisaun prezidensiál. Imajen Tatoli/Natalino Belo.

BAUCAU, 28 fevereiru 2022 (TATOLI) – Sekretariadu Tékniku Admistrasaun Eleitorál (STAE) munisípiu Baucau koordena ho autoridade lokál no Pólisia Nasionál Timor-Leste relasiona ho preparasaun hasoru eleisaun prezidensiál tinan ne’e.

Diretór STAE Baucau, Lúcio Freitas Salvador hateten, workshop refere aprezenta planu operasionál hodi hasoru eleisaun prezidensiál iha loron 19 maiu, planu refere foka liubá sentru votasaun sira-ne’eb’e utiliza karegadór hanesan apoia viatura estadu nian inklui apoia autoridade lokal sira durante realiza prosesu eleisaun.

“Ita ko’alia kona-ba STAE nia planu no programa, oinsá mak autoridade lokál sira bele fó apoia ba prosesu sira tomak nune’e bele seguru hodi implementa prosesu sira ne’e to’o rohan,” Diretór STAE Baucau ko’alia iha Vila Nova, segunda ne’e.

STAE mós hato’o difikuldade limitasaun viatura, tanba dadaun ne’e iha karreta rua de’it maibé karreta ida manutensaun hela tanba aat no ida seluk kondisaun ladún di’ak.

Nune’e STAE husu apaoia ba administradór postu sira atu apoia transporte durante eleisaun prezidensiál.

Antes ne’e STAE Baucau hetan ona apoia karreta rua hosi nasionál maibé kondisaun la premite atu halo operasaun iha área rurál.

“Viatura la’ós sai dezafiu ba STAE munisípiu atu organiza eleisaun, maibé presiza kompleita,” Lúcio akresenta.

STAE mós husu Pólisia Nasionál Timor-Leste (PNTL) atu asegura prosesu hotu to’o eleisaun prezidensiál remata.

Biban hanesan, Administradór Postu Admistrativu Venilale, Miguel Guterres, prontu fó apoia bainhira STAE Baucau realiza eleisaun prezidensiál iha loron 19 marsu mai.

“Ha’u esperu eleisaun ne’e sei la’o di’ak, maibé depende mak ita hotu nia serbisu hamutuk, liuliu munisípiu, postu, suku no aldeia,” Miguel hateten.

Jornalista   : Natalino Belo

Editór         : Evaristo Soares MartinS

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here