Motorizada ne'ebé polísia halo apreensaun lori ona ba komandu PNTL munisípiu Bobonaro hodi kompleta prosesu administrativu. Imajen Tatoli/sergio da Cruz.

BOBONARO, 28 fevereiru 2022 (TATOLI) – Polísia Nasíonal Timor-leste (PNTL) hosi komandu munisípiu Bobonaro kompostu liuhosi seksaun tránzitu no forsa rezerva segunda ne’e halo tán apreensaun ba motorizada 21 iha área Nunura, suku Tapo-memo, postu administrativu Maliana, ba untente ne’ebé kontra regra kódigu estrada.

Komandante Seksaun Tránzitu Munisípiu Bobonaro, Primeiru Sarjentu Mateus Siri Loe, hateten, aktividade auto stop ne’e hala’o rútina tuir planu ne’ebé trasa ona atu intensifika no halo kontrolu ba movimentu transporte públiku no privada.

“Membru sira halo auto stop ami halo apreensaun ba motorizada hamutuk 21, infratór sira sira-ne’e barak mak laiha dukumentu, barak mak la lori STNK no dukumentu mate inklui balun laiha karta kondusaun,” nia informa Tatoli, iha kna’ar-fatin.

Atividade ne’e realiza dezde loron 22 fulan-marsu to’o ohin loron konsege halo ona aprensaun ba motorizada hamutuk 83 ona. Hosi númeru ne’e infratór hamutuk na’in-38 mak selu ona koima iha banku no restante to’o agora seidauk kompleta prosesu administrativu.

Jornalista   : Sérgio da Cruz

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here