Diretór Servisu Saúde munisípiu Viqueque, Francisco de Carvalho. Imajen TATOLI/Vitorino Lopes da Costa

VIQUEQUE, 25 fevereiru 2022 (TATOLI)–Diretór Servisu Saúde munisípiu Viqueque, Francisco de Carvalho, informa, kazu dengue rejistadu hela ida maka baixa iha ospitál internamentu Beloi no rekuperadu hamutuk 51.

“Hosi horiseik to’o ohin, ida mak hakotu iis no totál kazu dengue iha Viqueque hamutuk 53. Daudaun ospitál internamentu sai mamuk fali ona kompara ho janeiru, ne’ebé pasiente dengue barak mak okupa fatin baixa,” Diretór Servisu munisipál hateten ba Agência TATOLI, iha ninia knaar fatin, Boro-matan, sesta ne’e.

Notísia relevante: Kazu dengue iha Viqueque aumenta, fatin internamentu limitadu

Ho nune’e, Servisu Saúde munisípiu Viqueque nafatin aviza ba komunidade atu halo limpeza iha areadór hela fatin hodi susuk labele subar iha bee naliun no fatin foer sira.

“Ami mós nafatin halo fumigasaun ba área sira ne’ebé risku ba moras dengue iha munisípiu Viqueque hanesan postu Uatulari, Ossu no Viqueque,” nia akresenta.

Nune’e, iha semana kotuk, munisípiu Viqueque foti tan abate iha nasionál, nune’e daudaun stock ai-moruk iha hodi rega fatin sira ne’ebé risku.

Kazu dengue iha munisípiu Viqueque hamutuk 53, kompostu hosi mane 27 no feto 26, hosi postu Lacluta ida, postu Ossu ualu, Uatucarbau rua, Uatulari lima no Viqueque villa 37.

Jornalista : Vitorino Lopes da Costa

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here