Muralla haleu sentru produsaun fini ne'ebé finansia hosi MAP no konstrui hosi grupu juventude Triloka. Imajen Tatoli/Natalino Belo.

BAUCAU, 24 fevereiru 2022 (TATOLI) – Governu liuhosi Ministériu Agrikultura no Peska (MAP) kinta ne’e, inaugura konstrusaun muralla sentru produsaun fini Triloka ne’ebé konstrui hosi grupu juventude Triloka.

Diretora Jerál Agrikultura MAP, Maria Odete do Céu Guterres, konsidera muralla ne’e importante tebes hodi asegura sentru produsaun fini Triloka tanba sentru refere establese hosi MAP ho ninia funsaun hanesan sentru dezenvolvimentu fini ba hare, batar, fore-rai, fore-keli, fore-mungu no fehuk.

Diretóra Jerál Agrikultura, Maria Odete do Céu Guterres. Imajen Tatoli/Natalino Belo.

“Sira-ne’e hotu hanesan fasilidade ne’ebé atu ajuda halo dezevolve sentru produsan fini iha Triloka,” Diretora Jerál Agrikultura hateten iha Triloka, kinta ne’e.

Orsamentu ba konstrusaun ,uralla liuhosi fundu transferénsia públika ne’ebé konstrui hosi grupu juventude Triloka ne’ebé dezeña hosi tékniku MAP no hetan aprovasaun inklui superviziona hosi Ajénsia Dezenvolvementu Nasionál (ADN) ho tótal orsamentu hamutuk $98.237.

Muralla refere ho ninia medida 500 metru kaudradu ne’ebé grupu joven sira konsege konstrui tán guarda seguransa inklui aloka mós osan balun ba troka kalen hodi hadi’a armazein fini no konstrui tanki bee-moos.

Ofisiál fini hosi MAP Baucau, Basilio da Silva Pires, agradese MAP tanba bele konstrui ona muralla haleu sentru produsaun fini Triloka.

Prosesu konstrusaun muralla fatin fini iha Triloka durasaun durante fulan-rua, hahú iha fulan-dezembru no finaliza iha fulan-janeiru ho tótal membru na’in-40.

Jornalista    : Natalino Belo

Editór           : Evaristo Soares Martins 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here