Ministru Ensinu Superiór Siénsia no Kultura, Longuinhos dos Santos. Imajen TATOLI/Egas Cristóvão

DILI, 23 fevereiru 2022 (TATOLI)—Ministériu Ensinu Superior Siénsia no Kultura (MESSK) sei fasilita estudante universitáriu hosi munisípiu, ne’ebé hakarak ezerse direitu votu iha Dili, iha ámbitu Eleisaun Prezidensiál iha loron 19 marsu 2022.

Ministru Ensinu Superior Siénsia no Kultura, Longuinhos dos Santos, hateten, presiza rejista iha ida-idak ninia universidade, hafoin universidade sei submete lista ba MESSK hodi lori dadus aprezenta iha Sentru Tékniku Administrasaun Eleitorál (STAE) atu hetan tratamentu ba asuntu ne’e.

Notísia relevante: STAE disponibiliza formasaun ba Brigadista hamutuk 1.191

“Ita iha ona pontu vokál ne’ebé prontu ona atu serbisu hodi trata asuntu estudante sira hosi munisípiu ne’ebé hakarak vota iha Dili,” Ministru hateten iha Palásiu Governu, kuarta ne’e.

Enkuantu, daudaun ne’e ministériu seidauk simu dadus tanba universidade sei realiza hela prosesu inskrisaun.

“Kuandu hotu ona mak sira entrega mai ministériu hodi aprezenta ba STAE hodi fó atensaun ba asuntu ne’e,” nia akresenta.

Jornalista : Tomé Amado

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here