Kondisaun mota Welolo, Viqueque, kuarta (23/02). Imajen TATOLI/Vitorino Lopes da Costa

VIQUEQUE, 23 fevereiru 2022 (TATOLI)–Xefe Juventude hosi suku Luca, Mariano Mendonça, husu Instituisaun Jestaun Ekipamentu, Institutu Públiku (IGE, I.P, sigla portugés) aselera prosesu normalizasaun Mota Welolo tanba difikulta komunidade lokál halo movimentu.

“Ami nu’udar komunidade parte suku Luca, hakarak hato’o ba IGE, I.P hodi aselera normalizasaun Mota Welolo, tanba tempu udan susar tebes ba komunidade lori produtu asesu ba merkadu,” Mariano Mendonça, hateten ba Agência TATOLI, via telefónika, kuarta ne’e.

Notísia relevante: Kondisaun Mota Welolo impede estudante Pre-Eskolár Unidu partisipa aula prezensiál

Nia haktuir, daudaun ne’e motorista sira para iha Mota Welolo tanba mota tun hela, sira atu ultrapasa maibé risku.

“Bainhira hakarak viajen hosi Welolo ne’e di’ak liu tuku 12:00 hanesan ne’e liu ona, tanba tama tuku 13:00 no 14:00 ne’e udan tun, Mota Welolo mós tun halai tuir dalan kuaze metru 400,” nia akresenta.

Nune’e, Xefe Juventude ne’e husu ba Governu liuhosi Ministériu Obra Públika (MOP) no IGE, I.P hodi tau atensaun ba Mota Welolo no Mota Dilor, tanba hanesan dalan nasionál maibé agora difikulta populasaun sira-nia viajen.

“IGE, I.P mobiliza ona ekipamentu ekavadór rua iha Welolo, maibé seidauk halo serbisu. Iha Mota Welolo laiha dalan alternativu ruma atu fasilita ita, dalan liu maka tenki liu mota ne’e,” nia dehan.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here