Ministru Prezidente Konsellu Ministru, Fidelis Manuel Leite Magalhães. Imajen TATOLI/Francisco Sony

DILI, 23 fevereiru 2022 (TATOLI)—Governu liuhosi reuniaun Konsellu Ministru (KM) aprova Projetu Rezolusaun, ne’ebé aprezenta hosi Vise-Primeiru-Ministru no Ministru Planu no Ordenamentu (MPO), José Maria dos Reis, hodi halo determinasaun ba elaborasaun Planu Urbanizasaun Dili.

“Planu urbanizasaun sidade Dili maka planu uzu rai ne’ebé define konjuntu regra ne’ebé disiplina no orienta uzu, okupasaun no trasformasaun rai urbanu sidade, hodi tradúz objetivu, prinsípiu no estratéjia ne’ebé asume hosi Estadu, hodi hadi’a kualidade espasu urbanu no atu promove dezenvolvimentu funsaun no atividade urbana sira,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha Palásiu Governu, kuarta ne’e.

Notísia relevante: Governu estabelese rejime jurídiku edifikasaun no urbanizasaun

Biban ne’e, ezekutivu sira kria mós komisaun konsultiva ida, ne’ebé kompostu hosi Diretór Jerál sira hosi departementu governamentál sira, ne’ebé relevante ba okupasaun no uzu territóriu, ne’ebé sei responsável ba akompañamentu traballu elaborasaun planu urbanu no ba aprezentasaun pareser eskritu ida ne’ebé koália kona-ba adekuasaun no konveniénsia solusaun proposta sira iha planu.

Daudaun ne’e, Governu presiza planu ordenamentu nasionál hodi define zona no edifikasaun, área abitasaun, agrikultura no indústria inklui infraestutura atubele haforsa implementasaun.

Planu urbanizasaun kapitál Dili ne’e halo ona maibé presiza haree atu halo atualizasaun no iha tinan oin sei halo estudu ba planu urbanu iha munisípiu haat hanesan Dili, Baucau, Maliana no Bobonaro.

Aleinde ne’e, presiza halo koordenasuan ho liña ministériál hanesan Ministru Obra Públika (MOP), Ministériu Transporte no Komunikasaun (MTK) no seluk tan atubele hetan dadus hodi halo planu ordenamentu nasionál no presiza mós péritu balun atu diskute asuntu ne’e

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here