Diretór edukasaun RAEOA, Daniel Muano. Imajén Tatoli/ Abílio Elo Nini.

OÉ-CUSSE, 23 fevereiru 2022 (TATOLI) – Diresaun Rejionál Edukasaun Juventude no Desportu, Rejiaun Administrativa Espesiál Oé-Cusse Ambeno (RAEOA) distribui ona diploma ba estudante finalista tinan 2021 hamutuk ema na’in-1.098.

Diretór edukasaun RAEOA, Daniel Maunu, informa kada tinan distribuisaun diploma ba estudante finalista sira sempre tarde tanba prosesu hosi ministériu, maibé diresaun edukasaun sempre antesipa ho buletin aprovavasaun nu’udar símbolu aprovadu hosi sekundáriu, nune’e sira bele halo inskrisaun ba iha nivél ensinu superiór.

“Distribuisaun diploma sira-ne’ebé ita levanta hosi Ministériu Edukasaun, Juventude no Desportu, ita fahe hotu ona ba eskola sira iha segunda semana kotuk, ba eskola sira halo prenximentu, no iha segunda semana 21 fevereiru ne’e sira lori fali mai ona, ha’u asina ona balun, nune’e bele fasilita sira iha inskrisaun ba iha nível ensinu superiór,” Daniel Maunu, informa ba Agência Tatoli iha Santa Rosa, Oé-Cusse, kuarta ne’e.

Nia fó-sai katak, totál diploma ne’ebé distribui ba finalista-sira iha tinan 2021 ne’e mai hosi estudante ensinu sekundáriu hamutuk 1.098, komposta hosi siénsia téknolojia na’in-438, siénsia sosiál na’in-405 no siénsia tékniku vokasionál hamutuk na’in-255. Purtantu, ba finalista ensinu báziku asesu ba eskola sekundáriu hamutuk na’in-1.683.

Jornalista         : Abílio Elo Nini
Editór               : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here