Xefe Departementu Justisa PNTL, Superintendente Atoninho Mauluta

BOBONARO, 22 fevereiru 2022 (TATOLI) – Polísia Nasionál Timor-Leste (PNTL) liuhosi komandu munisípiu Bobonaro, detein sidadaun na’in-ida ne’ebé hatama sasán ho dalan ilegál hosi Timor Osidentál mai territóriu Timor-Leste.

Sidadaun ne’e ho inisiál RB idade 32 (kazadu) orijen hosi aldeia Raimaten, suku Odomau, postu administrativu Maliana, detein iha bairru Obor, suku Raifun Vila, bainhira tenta lori sasán kontra bandu ne’e atu ba halo negosiasaun ho nia kliente sira iha merkadu Maliana maibé la kansege tanba halo kedas apreensaun.

“Ita-nia Task Force munisípiu halo patrullamentu kaptura sidadaun ne’e hatama sasán ilegál, sasán sira-ne’e tula iha karreta laran ho sigarru surya pakote 29, jerigen mamuk 28 no motorizada tolu. Sasán sira-ne’e sosa hosi parte Lakus, Indonézia nian lori mai ita-nia territóriu,” Komandante PNTL munisípiu Bobonaro, Superintendente Antoninho Mauluta, ko’alia iha Maliana, tersa ne’e.

Daudaun ne’e parte servisu investigasaun kriminál konklui ona prosesu identifikasaun ba sidadaun ne’e no evidénsia hirak-ne’e inklui motorizada marka Blade (Repsol) xapa-matríkula K.5672, revo FIT xapa-matríkula M.2464 no absolute trevo xapa-matríkula E.7533 asegura hela iha komandu munisípiu Bobonaro.

Jornalista         : Sérgio da Cruz

Editór               : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here