Pesoál liña frente servisu saude munisípiu Bobonaro simu hela vasina Booster Pfyzer. Imajen Tatoli/Sergio da Cruz.

BOBONARO, 22 fevereiru 2022 (TATOLI) – Ministériu Saúde liuhosi servisu saúde munisípiu Bobonaro, tersa ne’e halo lansamentu vasina Booster Pfyzer ba pesoál liña frente ne’ebé halo serbisu iha sentru saúde suku Ritabou, postu administrativu Maliana Vila, hodi aumenta isin luta kontra COVID-19.

“Ami halo atividade vasina Booster Pfyzer implementa iha sentru saúde Maliana, refere liu ba profisionál saúde sira, kompostu hosi servisu saúde Bobonaro no sentru saúde Maliana halo lansamentu ba ema na’in-89,” Xefe ekipa promosaun vasina Pfyzer munisípiu Bobonaro, Paulino Deneri, informa ba jornalista sira, iha sentru saúde Maliana.

Tuir dadus ne’ebé iha servisu saúde Bobonaro hetan distribuisaun vasina Pfyzer fahe ba  faze tolu, faze dahuluk ba pesoal liña frente sira totál 200 doze.

Iha segunda semana ne’e sei distibui tán 1.644 doze hodi implementa ba estudante idade 12 ba to’o 17 iha postu administrativu Balibo, depois ne’e sei hetan tán totál 71 mill doze hodi implementa ba estudante sira iha postu administrativu Maliana, Atabae, Cailaco, Bobonaro no Lolotoe.

Tanba ne’e iha segunda semana oin servsiu saúde Munisípiu Bobonaro serbisu hamutuk ho Organizsaun Mundiál Saúde (OMS) sei halo lansamentu iha postu administrativu Balibo no dadaun halo ona rekizisaun ba Servisu Autónomu Medikamentu Ekipamentu Saúde (SAMES) atu dsitribui vasina Pfyzer hodi implementa ba totál estudante hamutuk na’in-1.644 ne’ebé pesoál saúde sira enumera ona.

“Vasina ida-ne’e importante tebes ba ita-nia oan sira-nia saúde, atubele proteje sira-nia isin no hasa’e sira-nia imunidade isin, atubele prevene moras Covid-19, liuliu variante omicrom ne’ebé mak ho ninia virus ne’ebé transmite lais liu ba iha ema-nia isin,” Paulina esklarese.

Jornalista   : Sérgio da Cruz

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here