Lopotipu DNTT. Imajen/Espesiál

DILI, 21 fevereiru 2022 (TATOLI)–Diresaun Nasionál Transporte no Terrestre (DNTT) akumula reseita hamutuk $2.581.477 iha tinan 2021, kompostu ispesaun veíkulu $715.345, karta kondusaun $438.322, transporte públiku $107.105, xapa espesiál $14.400, karta rejistu viatura $1.220, veíkulu importadu $158.395, no rejistu veíkulu $1.146.600.

“Osan sira ne’e selu iha banku, nune’e hatama diretamente ba kofre Estadu. Ami la kaer osan maibé halo prosesu de’it,” Diretór Nasionál Transporte Terrestre, António da Costa, informa ba Agência TATOLI, iha ninia knaar fatin, Balide, segunda ne’e.

Notísia relevante: Alfándega alerta karreta produsaun liu tinan lima labele importa

Enkuantu, reseita ne’ebé rekolla iha janeiru 2022 hamutuk $322.190, kompostu hosi rejistu veíkulu $145.433,50, veíkulu importadu $18.431,50, karta rejistu veíkulu $110, xapa espesiál $2.100, transporte públiku $13.315, karta kondusaun $53.385, no inspesaun veíkulu $99.295.

Durante ne’e DNTT la simu no aprova pedidu sira liga ho veíkulu ne’ebé produsaun liu tinan lima ona.

“Bazeia ba lei, karreta ne’ebé tinan produsaun tinan lima mai kraik labele importa ona,” nia akresenta.

Jornalista : Antónia Gusmão

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here