Asosiasaun Profesionál Edukasaun Militante FRETILIN (APEMF) ho Movimentu Universitáriu FRETILIN (MUF), sábadu ne'e, deklara apoia ba kandidatu Prezidente Repúblika, Francisco Guterres Lú-Olo. imajen/espesiál.

DILI, 19 fevereiru 2022 (TATOLI)- Asosiasaun Profisionál Edukasaun Militante FFRETILIN (APEMF) no Movimentu Universitáriu FRETILIN (MUF), sábadu ne’e, deklara fó apoiu tomak ba atuál Prezidente Repúblika Francisco Guterres Lú-Olo, ne’ebé re-kandidata an ba Prezidente Repúblika períodu 2022-2027 hodi kompete iha eleisaun prezidensiál 2022.

Prezidente APEMF-MUF, Carlito da Silva, deklara sira-nia pozisaun atu apoia kandidatu Prezidente Repúblika hosi Partidu FRETILIN, Francisco Guterres, Lú-Olo tanba hanesan ema ne’ebé simples ho nia karakter umildade, simplisidade no kuidadozu. 

“Kandidatu Lú-olo hatene kle’an liu saida mak povu ki’ik sira nia halerik, susar, terus no problema oioin ne’ebé sira hasoru. Ho nune’e, ami fiar metin no firme katak nia (Lú-olo) sei hatene mós buka solusaun sira ne’ebé di’ak, justu no loos ba problema povu kiak-mukit no nasaun ida ne’e ninia mehi,”Carlito da Silva,hateten, iuhosi nota komunikadu ne’ebé Agência Tatoli asesu.

Notísia relevante:  OFILIN deklara apoia kandidatu PR Lú OLo – TATOLI

Nia dehan, apoia na Lú-Olo tanba ema guerilleiru, polítiku, estadista nia luta durante tinan-24 ne’e, sai hanesan ezemplu no modelu extraordináriu hodi kaer metin prinsípiu Konstituisaun Repúblika Demokrátika  Timor-Leste (K-RDTL) liuliu sai matadalan ba foin sa’e sira, maibé mós ba katuas ferik ne’ebé sei forte-enérjiku, no sei ho idade produtiva ba dezenvolvimentu sustentável nasaun doben Timor-Leste ninia futuru prósperu.

“Ita hatene L-Olo ema ho Karakter lideransa ezemplar no integridade nia ema ida ne’ebé ho integridade, karakter ne’ebé aas tebes, rona parte hotu-hotu nia ideia, hamriik metin no firme ho nia desizaun tomak, nune’e hodi la halo opozisaun ba Governu hodi garante estabilidade governativa, tanba nia ema lutador no estudiozu, nia figura ida ne’ebé la’os de’it hatene luta ho kilat, maibé nia mos hatene luta intelijentemente ho kaneta, nune’e durante nia mandatu bele trava grupu koruptor sira,”nia tenik.

Tanba ne’e ho apoiu ne’ebé asosiasaun APEMF ho MUF fó ba Lú Olo, tanba nia mós ema ho morál no prinsípiu, karakter morál ne’ebé aas tebes, nunka hafoer ninia naran ho korupsaun, subornu ka familiarizmu, nein ninia partidu, la halo divizionizmu ba konfisaun, relijiozu no raz.   

Notísia relevante:  Kandidatu PR na’in-16 dada ona númeru sorteiu iha Tribunál Rekursu

Jornalista : Arminda Fonseca

Editór       :   Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here