Loron aban hahú ohin bainhira loromatan lekar nia roman leno rai-klaran Ita idaidak sei hala’o kna’ar tuir idaidak nia kbiit: balun ba eskola, balun serbisu balun ba buka moris liuhusi atividade ne’ebé ita idaidak halo.
 
Realidade ida ne’e la akontese ba daduur sira iha Prizaun Becora. Fatin ba kumpre justisa fatin ba rekuperasaun fatin ba reparasaun fatin ba halo peniténsia muda hanoin muda fuan muda karakter muda hahalok.
 
Odamatan besi taka metin habadak sira hakat. Moru aas hakloot sira dalan dook husi família dook husi maun-alin dook husi inan-aman tan hahalok rasik hasoru realidade mundu nian. Prizaun Becora mak agora sai sira-nia mahon. Prizaun Becora mak agora sai sira-nia uma hodi hein loron aban ida ne’ebé sei tuir mai tuir tetu no dasi ne’ebé tula ba sira leten hodi kumpri justisa mundu nian.
 
Timor-Leste knua lulik rai ilas ne’ebé ita hotu moris no hela bá. Timor-Leste fatin ne’ebé Ramelau Kablaki no Matebian hamriik metin bá. Timor-Leste rai ne’ebé bua no malus moris no buras bá eziste ho nia natureza rasik ho nia Sistema rasik hanaran Estadu direitu demokrátiku.
Produsaun Tatoli I.P ©2022
PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here