Embaixadór Japaun iha Timor-Leste, Masami Kinefuchi. Imajen TATOLI/Francisco Sony

DILI, 17 fevereiru 2022 (TATOLI)— Embaixadór Japaun iha Timor-Leste, Masami Kinefuchi, informa iha prosesu luta kontra COVID-19, Governu no povu Japaun apoia ona orsamentu millaun $20.

“Governu Japaun nia apoia ba Timor Leste liuliu ba iha serbisu COVID-19 ne’e ita sura totál hamutuk millaun $20,” Embaixadór Japaun ne’e hateten ba jornalista sira iha armazein SAMES-Kampu Alór-Dili, kinta ne’e.

Iha tinan 2020, pandemia afeta Timor-Leste, Governu Japaun suporta kedan orsamentu $870.000.

“Iha tempu ida ne’e mós  ami suporta ona orsamentu hamutuk millaun $1,2 hodi estabelese sala malirin  sira iha armazenamentu rejionál sira no mós  oferese  karreta malirin no suporta sira seluk tan,” nia akresenta

Alende ne’e, Governu Japaun mós  apoia Timor-Leste liuhosi  vasina AstraZeneca  ho totál doze 100.068.

“Ha’u hakarak hateten vasinasaun ne’e importante atu luta hasoru pandemia COVID-19 no ha’u espera katak ajuda husi Governu Japaun ne’e sei sai hanesan ajuda importante ida ba povu Timor-Leste nia saúde komum,” nia akresenta.

Nune’e, iha tinan ne’e marka hanesan aniversáriu dala-20 ba estabelesimentu ofisiál relasaun diplomátiku entre Japaun no Timor-Leste. Tanba ne’e Japaun iha komitementu atu suporta liuhusi dalan ne’ebé mak Japaun bele suporta ba dezenvolviemntu Timor-Leste.

Timor-Leste atinje ona kobertura vasinasaun COVID-19 to’o ona 84.4% ba iha primeira doze no 71.4% ba iha segunda doze.

Nune’e mós, labarik ho idade tinan 12 to’o menus husi tinan 18 hamutuk 37,651 mak simu ona primeira doze ba vasina Pfizer no labarik 30.221 ho idade hanesan maka simu ona vasina Pfizer ba doze dalaruak nian ka kompleta ona doze primeiru no doze segundu iha munisipiu Dili. Ne’e hatudu katak kontibuisaun liuhusi vasina bele hamenus risku ba transmizaun no bele hasa’e imunidade komunitaria ka Herd Immunity.

Notísia relevante:Japaun-UNICEF apoia veíkulu refrijeradór unidade tolu ba MS

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here