Sekretáriu Jerál Komite Olimmpíku Nasionál Timor-Leste (CONTL-sigla Portugés), Laurentino Guterres.imajen/ Hortencio Sanchez

DILI, 16 fevereiru 2022 (TATOLI)— Sekretáriu Jerál Komite Olimpíku Nasionál Timor-Leste (CONTL-sigla Portugés), Laurentino Guterres, informa  tuir ajenda iha tinan ne’e Timor-Leste partisipa ija jogu internasionál ne’e.

Eventu internasionál neen hanesan, Sea Games hala’o iha Vietname, maiu ne’e, Olympic Winter Games hala’o iha Xina, ne’ebé Timor-Leste partisipa ona hosi modalidade Sky hosi atleta Yohan Gonçalves, Asian Games sei hala’o iha Xina, setembru ne’e, Asian Indoor and Martial Arts Games sei hala’o iha Filipina, Asian Youth Games no Asian Beach Games

Notísia relevante: Boxista na’in-lima hahú treina fíziku no tékniku partisipa Sea Games

“Jogu lubuk ida ne’e ita sei ba partisipa, ida ne’ebé ita partisipa ona mak Winter Olympic ne’e no tuir Sea Games ho sira seluk ita sei ba partisipa iha tinan ne’e,” Laurentino hateten ba Agência TATOLI iha edifisiu CONTL Dili, kuarta ne’e.

Kona-ba modalidade sira ne’ebé sei partisipa iha jogu sira ne’ebé iha, CONTL sei diskute ho Konfederasaun Desportiva Timor-Leste (CDTL-sigla Portugés) atu defini modalidade ne’ebé mak merese no iha prestasaun atu partisipa.

“Maibé, ita iha problema uitoan iha jogu hirak temi ne’e, problema iha ita nia partisipasaun, hanesan orsamentu ne’e mak sai difikuldade mai ita hanesan Sea Games ne’e loloos ita bele lori modalidade entre 10 ba leten no kada modalidade bele lori nia atleta neen ba leten atu ekipa ne’e full, maibé tanba Governu iha difikuldade orsamentu ita tenke redus númeru atleta nian,” nia akresenta

Iha Asian Games, nia dehan Governu sei apoia reprezentante Timor-Leste, mibé sei tetu didi’ak modalidade rua,  nune’e bele partisipa konforme Governu deside mak deside modalidade.

Notísia relevante: Atleta Karate-do na’in-lima preparadu kompete iha Sea Games

Jornalista: Hortencio Sanchez

Eaditór   : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here