Osan Dollar Amerikanu. Imajen/Espesiál

DILI, 16 fevereiru 2022 (TATOLI)—Diretór Nasionál Aprovizionamentu iha Ministériu Saúde, Nelson Guterres Castro, hateten Governu liuhosi Ministériu Saúde halo ona pagamentu ba otél no Catering hahán ne’ebé kontrata iha situasaun COVID-19 ho orsamentu hamutuk millaun $6.

“Ita halo ona pagamentu   ba catering hamutuk millaun $4 no ba otél millaun $2,” Diretór Nasionál Aprovizionamentu ne’e, hateten ba Agência TATOLI iha knaar fatin-Dili, kuarta ne’e.

Iha tinan 2020 to’o 2021, Ministériu Saúde kontrata otél no catering hamutuk 90, hosi ne’e otél hamutuk 49 inklui iha munisípiu sira, nune’e iha Dili otél 20. Enkuanu kompañia catering kontrata 41, iha Dili 16 no seluk iha munisípiu.

Nune’e, orsamentu ba kompañia catering hamutuk millaun $6 no ba otél sira millaun $3, ne’ebé Ministériu Saúde halo ona pagamentu metade.

“Orsamentu ba catering ne’e hamutuk millaun $6, maibé halo ona pagamentu millaun $4, no falta millaun $2. Ba otél sira hamutuk millaun $3, maibé ita selu ona millaun $2, ne’ebé hela millaun $1,” nia afirma.

Nia esplika prosesu pagamentu tuir regra Ministériu Finansa nian, mak hatama pedidu pagamentu ne’ebé kompleta ho invoice, hafoin hosi parte aprovisionamentu submete ba Finansa Ministériu Saúde mak lori ba Finansa Sentrál mak halo verfikasaun no halo pagamentu.

“Otél no Catering ne’ebé halo pagamentu tarde tanba liuhosi prosesu sira ne’e, maibé la signifika la selu tanba Ministériu Saúde kontinua selu nafatin liuhosi pagamentu parsiál,”nia fó hanoin.

Otél 49 ne’e MS kontrata hanesan SK Hotel, Chongti Hotel, Fantija Hotel Apartament, Hotel Audian, Mongkok Luxury Hotel, Fortuna New Unip Lda, Luz Clarita Hotel, Funan Buras Unip lda,Timing Company, Mansion  Guest House, Elvanju Unip Lda, D’city Hotel, Eternity Unip Lda, Novu Horizonte Lda, Surprise Hotel Manatuto,

Hotel Time  Square  Development, Leokasi Unip lda, Hotel Colmera, Crocodil Lda, Santana Unip Lda, Ontario Investiment  Unip Lda, Tato Toty Unip Lda, Casa Coutes  unip Lda, Sr Adriano Maria de Araújo, Duo DMF  Guest  House unip Lda, Ashoteru  one  Unip Lda, Belamendiong Enin, Laura Valentine Lay, Goya  Akmajon, Borala Lda, YQ hotel, Ille Chao Lda, Perekku Unip Lda, Kosar Turun Enin,Timortur hotelaria Eldetosa Unip Lda, Novo diresaun unip Lda, Novo Horizonte, Chong Ti Hotel, Sk Hotel, Luz Clarita Hotel, Mayty Unip Lda, Sra Emilia Tilman de Andrade, Layusau  Nabilan Unip Lda, Casa  Course Unip Lda, Sra Ana Fernandes Xavier, Sra Pascuea Freitas Esperansa Unip Lda.

Kona-ba kompañia catering hamutuk 41 hanesan Reginaldo Unip Lda, Roof Casa Musica Lda, Kaimaleria Unip Lda, Helfia Unil Lda, Felicya Queen Unip Lda, Maharani Santos Fereira unip Lda, Filomeno Merita Unip Lda, Elvie Roman Unip Lda, Sara Unip lda, Montez Frere Unip Lda, Brotar agua unip Lda, Novu Tropical Restaurante Unip Lda, Sara Unip Lda, Vida Nova Restaurante unip Lda, Eternity unip Lda, Luminarunip Lda, Surprise Hotel manatuto,

Nune’e mós, Nober unip Lda, Angle Catering, Betua Calda unip Lda, Restaurante Angel unip Lda, Didelnia Love unip Lda, Barreto Restaurante, Cioperativa polivalente de Ataúro, Qivan unip Lda, Restaurante Ames Menchya Enin, Ze Morno unip Lda, Liquandan Unip Lda, Crocodile holding Lda, Dapur Timor unip Lda, Cavia Trive unip Lda, Nimia Restaurant unip Lda, Jujudosa Lavena unip Lda, Grown Up unip Lda, Telafinosegra unip Lda, Visio del, Restaurante Jerani unip Lda.

“Daudaun ne’e, ita kontinua kontrata catering ne’ebé ativu hela na’in-ida no otél laiha ona,” nia akresenta.

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here