Ekipa CVTL halo fomigasaun ba atuasaun kazu dengue iha bairo Becusi Sentral, loron kinta (20/01). Imajen Tatoli/Francisco Sony

DILI,16 fevereiru 2022 (TATOLI)— Sekretáriu Jerál Kruz Vermelha Timor-Leste (CVTL, sigla portugés), Luis Pedro Pinto, informa ekipa voluntáriu CVTL hamutuk 160 apoiu Minsitériu Saúde (MS)halo atiivdade fumigasaun hodi prevene surtu dengue iha nivél nasionál no munisípiu.

“Durante ne’e, ami serbisu hamutuk ho Ministériu Saúde halo fumigasaun no fahe abate ba área risku sira iha nivél nasionál no munisípiu liuliu ba aldeia sira ne’ebé mak kazu dengue maka’as, hafoin halo mós kampaña tama uma sai  uma  hodi halo prevensaun,” Sekretátiu Jerál ne’e, hateten ba Agência TATOLI iha knaar fatin-Dili, tersa ne’e.

Daudaun ne’e, ekipa voluntáriu hosi CVTL iha nivél munisípiu to’o nasionál hamutuk 300 ne’ebé kontinua apoia MS hodi halo kampaña sensibilizasaun   no prevensaun ba komunidade sira atu hadook ka prevene an husi surtu dengue.

CVTL halo hela mobiliza rekursu atu hetan fundu hosi Cruz Vermella Austrália no daudaun aplika ba iha Zenebra atu halo aprovasaun atubele halo kontinuasaun ba dengue nian.

“Ami hala’o asaun sira ne’ebé mak Cruz Vermella Timor-Leste halo mak hanesan halo fumigasaun ba área risku sira iha nivél nasionál no munisípiu. Nune’e ami tama sai aldeia ka suku oinsá atu halo fumigasaun atu hamate susuk sira ne’ebé mak moris iha bee nalihun sira,” nia akresenta.

CVTL iha orsamentu rihun $200 atu halo prevensaun ba dengue, nune’e hahú hanoin atu sosa tan ekipamentu fumigasaun tanba komunidade iha suku no aldeia mak presiza, maibé ekipamentu la sufisiente.

Notísia relevante: Dengue hamate labarik na’in-30, aimoruk fumigasaun foin to’o iha portu Dili

Jornalista : Felicidade Ximenes

Editór        : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here