Komisaun Antí Korrupsaun (CAC-sigla portugés) hamutuk ho Komisaun Nasionál Eleisaun (CNE-sigla portugés), realiza semináriu "Papel Partidu Polítika hodi Prevene no Kombate Korrupsaun iha Timor-Leste" ba kuadru partidu polítiku sira iha salaun Laline-Lariguto CNE, Colmera, Dili. Imajen Tatoli/Osória Marques.

DILI, 15 fevereiru 2022 (TATOLI)—Komisaun Antí Korrupsaun (CAC-sigla portugés) hamutuk ho Komisaun Nasionál Eleisaun (CNE-sigla portugés), tersa ne’e realiza semináriu kona-ba “Papel Partidu Polítika hodi Prevene no Kombate Korrupsaun iha Timor-Leste” ba kuadru partidu politikus sira iha salaun Laline-Lariguto CNE, Colmera, Dili.

Komisáriu Komisaun Antí Korrupsaun, Sérgio Hornai, hateten Partidu polítika sira-nia papel nu’udar organizasaun ida iha poder polítiku, sira iha kbiit atu hadau poder no sira atu halo desizaun estratéjiku sira tantu poder ezekutivu, poder prezidénsia no mós poder parlamentar nian para hetan vizaun ba governasaun di’ak mak governasaun ho integridade no responsabilidade.

Notísia Relevante: Ohin, Lei MPCC kompleta loron 180

“Vizaun ba governasaun di’ak mak governasaun ho integridade, governasaun ida ho responsabilidade, governasaun ho desizaun polítika sira hodi halo distribuisaun polítika sira. Papel Partidu polítika tenke halo konsolidasaun iha organizasaun liu-liu iha instituisaun Estadu sira-ne’ebé iha pás no estabilidade no mós armónia iha sosiedade ida,” Komisáriu CAC ne’e hateten iha ámbitu semináriu nasionál ne’e.

Objetivu hosi semináriu nasionál ne’e atu hasa’e koñesimentu kuadru no militante partidu polítiku sira kona-ba risku korrupsaun no hametin medida sira ba prevensaun no kombate korrupsaun tuir Lei Medida Prevensaun no Kombate Korrupsaun (MPCC, sigla portugés) artigu 6.

Objetivu seluk mak sensibiliza forma no mekanizmu sira kona-ba Lei Medida Prevensaun no Kombate Korrupsaun (MPCC, sigla portugés) no regra finansiamentu ba kampaña eleitorál Prezidente Repúblika.

Nune’e mós atu haforsa koñesimentu kona-ba oinsá halo prevensaun no kombate korupsaun hodi kontribui ba implementasaun governasaun di’ak iha Timor-Leste.

Komisaun Antí Korrupsaun (CAC-sigla portugés) hamutuk ho Komisaun Nasionál Eleisaun (CNE-sigla portugés), realiza semináriu “Papel Partidu Polítika hodi Prevene no Kombate Korrupsaun iha Timor-Leste” ba kuadru partidu polítiku sira iha salaun Laline-Lariguto CNE, Colmera, Dili. Imajen Tatoli/Osória Marques.

Kona-ba krime korrupsaun ne’ebé iha potensialidade akontese iha aktu eleitorál, nia hateten, iha utilizasaun osan ba iha kampaña nian ba utilizasaun mobilizasaun ne’ebé hamosu fraude uza iha despeza ba iha atividade eleitorál ho finalidade ida konklui hodi hetan benefísiu ruma iha futuru.

“Entaun ba ema sira-ne’ebé bem organizadu hakarak tenta atu influénsia ba ita-nia partidu polítiku sira oinsá introdús ninia intensaun ba ita-nia instituisaun esensiál liu-liu governasaun, entaun ita hotu iha obrigasaun foti medida prevensaun,” nia dehan.

Kestaun fraude eleitorál sira, nia dehan, iha kampaña bele mosu propaganda, abuzu poder no fó oportunidade partidu polítiku atu hato’o sira-nia kompromisu sira tanba se mak atu asegura no garante kandidatura sira to’o iha fatin-fatin hodi disemina informasaun kona-ba programa polítika ba eleitór sira.

Autoridade Polísia Nasionál Timor-Leste (PNTL), órgaun administrasaun eleitorál hanesan CNE no STAE, forsa sira iha obrigasaun atu kontribui ba ida-ne’e atu bele hatudu ninia imparsialidade, neutralidade ba iha liberdade iha partidu polítiku atu halo ninia propaganda polítika.

Iha semináriu nasionál ne’e partisipa hosi partidus polítiku hetan asentu Parlamentar Nasionál hanesan Partidu Demokrátiku, Partidu Linertasaun Poluler, FRETILIN, CNRT, PUDD, FRENTI MUDANÇA, KHUNTO no UDT). Depois iha PDHJ, CFP no IGE. Sosiedade Sivil; FONGTIL, JSMP, CEPAD, HAK, Lao Hamutuk, Luta Hamutuk, CAUCUS, PATRIA no MOFFE. Akademiku (UNTL, UNDIL, UNPAZ, IOB, DIT), ekipa apoiu CAC no CNE.

Antes ne’e, tuir relatóriu no pareser ne’ebé Agência TATOLI asesu, projetu-Lei númeru 1/V(1a) Medida Prevensaun no Kombate Korrupsaun (MPCC, sigla portug’es) ne’e kompostu hosi artigu 1 (objetivu) ne’ebé prevee iha kapítulu I (medida jerál prevensaun). Sesaun I (Estratéjia Nasionál) ne’ebe define artigu 2 (polítika prevensaun no luta kontra korrupsaun).

Sesaun II (Setór Públiku no Kódigu Konduta) kompostu hosi artigu 3 (rekrutamentu iha setór públiku), artigu 4 (kódigu konduta ba ajente públiku no privada sira), artigu 5 (medida ne’ebé fasilita komunikasaun atus korrupsaun) no artigu 6 (medida relativa ba partidu polítiku sira).

Sesaun III (Kontratasaun iha Setór Públiku) kompostu hosi atigu 7 (publisidade no transparénsia aprovizionamentu iha setór públiku) no artigu 8 (aprovizionamentu justu no efisiente).

Sesaun IV (tranparénsia iha administrasaun públiku) define artigu hamutuk lima (5), sesaun V (integridade hosi judisiáriu no redusaun opurtunidade korrupsaun) define artigu hamutuk lima (5), sesaun VI (setór privadu) define artigu hamutuk lima (5), sesaun VII (partisipasaun iha sosiedade) define artigu hamutuk tolu (3).

Purtantu Kapítulu I ko’alia kona-ba rejime deklarasaun bens no interese, define artigu 1 (ida) kona-ba finalidade.

Projetu-Lei númeru 1/V(1a)) Medida Prevensaun no Kombate Korrupsaun artigu 1 (objeitvu) to’o artigu 118 (entra iha vigór). Iha artigu 118 define nune’e “a presente lei entra em vigór 180 dias após sua publicacão”.

Iha loron 24 fulan-agostu tinan 2020, Prezidente Repúblika, Francisco Guterres Lú Olo, promulga lei Medida Prevensaun no Kombate Korrupsaun (MPCC), no iha karta ba Parlamentu Nasionál, Xefe Estadu hateten prevensaun no kombate kontra korrupsaun la’ós de’it liuhusi aprovasaun lejislasaun no montajen sistema ba instituisaun sira-ne’ebé nu’udar núkleu sentrál.

 “Importante tebes, prevensaun no kombate korrupsaun atu instituisaun funsiona efetivamente tuir prinsípiu legalidade, izensaun, transparénsia, efisiénsia, efikásia, simplisidade no previsibilidade ba prosedimentus; no mós iha partisipasaun husi atór prinsipál sira, inkui instituisaun profisionál sira no sidadaun iha área no prosedimentu ho finalidade atu servi interese públiku,” Prezidente Repúblika hateten.

Promulgasaun lei ne’e sei hametin liután fiar públiku ninian ba instituisaun sira-ne’ebé Estadu harii.  Atu nune’e, ba oin, implementasaun lei ne’e sei hametin filafali fiar sidadaun nian ba integridade, transparénsia, efisiénsia, efikásia instituisoins Estadu nian hodi servi ba interese públiku, refere nota komunikadu.

Prezidente Repúblika apela ba Governu no Parlamentu Nasionál atu apoia Komisaun Anti-Korrupsaun, Prokuradória Jerál Repúblika, Polísia Sientífika no Investigasaun Kriminál no Tribunál Rekursu hetan meiu nesesáriu atu kombate korrupsaun ho efetivu, liuhusi atribuisaun Orsamentu Jerál Estadu hodi permite iha rekursu umanu espesializada, tékniku no finanseiru sira, atu susesu iha misaun komplexu ida ne’e iha luta kontra korrupsaun no krime organizadu.

Prezidente Repúblika iha ninia karta ba Parlamentu Nasionál hateten mós; implementasaun lei ne’e atu iha impaktu efetivu no alargadu, tanba lei ne’e rasik presiza fali regulamentasaun komplementár, liuhusi Dekretu-Lei no Dekretu sira seluk, liuliu relasiona ho área vulneravel sira iha verifikasaun korrupsaun no konflitu interese ninian.

Parlamentu Nasionál, iha 20 jullu 2020,  aprova lei MPKK ho unanimidade ho votus 61.

Notísia Relevante: CAC sensibiliza lei MPCC ba dirijente sira iha PN

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here