Prezidente Komisaun G, Deputadu António Verdiál. Imajen Tatoli/Nelson de Sousa.

DILI, 15 fevereiru 2022 (TATOLI)—Prezidente Komisaun G ne’ebé trata asuntu Edukasaun, Juventude no Desportu iha Parlamentu Nasionál, Deputadu António Verdiál, husu Ministériu Edukasaun Juventude no Desportu (MEJD), atu halais prosesu emite diploma orijinál fó ba estudante finalista ensinu sekundáriu no tékniku vokasionál.

“Simu lamentasaun hosi estudante finalista hosi ensinu sekundáriu jerál no tékniku vokasionál ezije atu fornese ka entrega lalais diploma orijinál hodi bele fasilita konkore eskola ba ensinu superiór ne’ebé atu ba eskola iha nasaun seluk,” Deputadu António Verdiál, levanta iha plenária Parlamentu Nasionál, tersa ne’e.

Nia dehan, tuir preokupasaun ne’ebé mai hosi estudante sira agora ne’ebé hakarak kontinua estudu medisina iha Xina mak tuir rekezitu presiza diploma maibé realidade MEJD rasik difikulta estudante sira atu hetan asesu hatutan estudu iha rai-li’ur.

“Ida-ne’e realidade. Tuir loloos Governu liuhosi Ministériu Edukasaun Juventude no Desportu lalais hasai diploma tanba estudante sira kaer de’it surat-tahan hanesan deklarasaun. Nune’e nafatin ezije ba Governu lalais fó diploma ba estudante finalist sira iha tempu badak no labele kle’ur tán,” nia dehan.

Hatán ba preokupasaun ne’e reprezentante Governu liuhosi Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, rejista hela sei hato’o ba ministériu tutela.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here