Diretór Administrasaun no Finansa hosi MEJD, Antoninho Pires. Imajen TATOLI/Egas Cristóvão

DILI, 11 fevereiru 2022 (TATOLI)–Ministériu Edukasaun Juventude no Desportu (MEJD) rekolla ona dadus provizóriu profesór voluntáriu hamutuk 2.121 iha eskola 542, atu halo verifikasaun dadus hodi sai sasukat ba ministériu atu prepara vaga foun ba profesór 975 iha futuru.

Tuir Diretór Jerál Administrasaun no Finansa MEJD, Antoninho Pires, daudaun seidauk iha númeru fiksu.

“Ita halo verifikasaun tanba hetan lista verifikasaun hosi eskola sira, hodi husu atu halo verifikasaun dadus ba mós sira-nia profesór voluntáriu sira. Daudaun Rejiaun Administrativa Espesiál Oé-cusse Ambeno (RAEOA) seidauk bele halo tanba ita la hetan lista,” Diretór Jerál informa ba Agência TATOLI, via telefónika, sesta ne’e.

Notísia relevante: MEJD rejista dadus provizóriu profesór voluntáriu 2.382 iha territóriu nasionál

Dadus profesór voluntáriu ne’ebé MEJD rekolla ne’e sei konsidera provizóriu tanba seidauk konklui, tanba sei hein hela lista verifikasaun hosi RAOEA, enkuantu hosi munisípiu seluk verifika ona.

Ho nune’e, atu konklui vaga sei liu prosesu nia laran inklui levantamentu dadus, ne’ebé prosesu hirak ne’e sei realiza tanba substitui fali dadus profesór sira ne’ebé mate no reforma ona.

Tuir dadus provizóriu ne’ebé Ministru Edukasaun Juventude no Desportu, Armindo Maia hato’o ikus iha Palásiu Governu foin lalais ne’e katak totál profesór voluntáriu ne’ebé hetan ona verifikasaun hamutuk 3.000.

Dadus ne’ebé parte tékniku liuhosi Diresaun Jerál Administrasaun no Finansa hato’o foin mak profesór voluntáriu 2.121 mak hetan ona verifikasaun.

Jornalista : Tomé Amado

Editora      : Julia Chatarina

PUBLISIDADE HUSI MTCIiklan

1 KOMENTÁRIU

HAKEREK NO HATÁN

Please enter your comment!
Please enter your name here