Prezidente Autoridade Munisípiu (PAM), Olívio 'Bou-Lesa' Freitas. Imajen Tatoli /Natalino Belo.

BAUCAU, 11 fevereiru 2022 (TATOLI) – Prezidente Autoridade Munisípiu (PAM) Baucau, Olívio ‘Bou Lesa’ Freitas, kansela vaga finansa públika no enjeñeria tanba deskonfia mosu irregularidade ne’ebé deskonfia envolve prezidente juri.

Prezidente Autoridade Munisípiu (PAM) Buakau, Olivio Freitas hateten, admistrasaun Baucau anunsia vaga finansas Públika no enjiñeria bazea ba númeru referénsia 03/SMARU/AM-BCU/XII/2021 no 04/SMARU/AM-BCU/XII/2021.

“Iha problema ida deskomfia mosu konflitu interese, iha alin feto ida (konkorrente) ne’ebé nia maun rasik mak nu’udar prezidente juri, lei fó ema hotu-hotu tuir, maibe señor ida ha’u nomea nia nu’udar prezidente juri ne’e la tuir lei, loloos nia rezigna-aan kuandu nia alin ne’e tuir,” PAM Baucau ko’alia Vila Nova, sesta ne’e.

Desizaun refere foti tanba Autoridade Munisipál hetan autorizasaun hosi Komisaun Funsaun Públiku (KFP) nune’e bainhira mosu erru hanesan akontese tenke anula vaga ne’ebé loke ba públiku.

Bou Lesa esplika, situasaun ne’e bele dehan mosu familiarista ka mosu konflitu interese tanba nu’udar prezidente juri iha alin konkore iha vaga refere posivelmente atu lakon tanba bazea ba prova pesoál refere manán iha fatin-rua, ida sai primeiru lugár no fatin seluk sai segundu lugár.

“Ha’u labele fiar ona situasaun ida hanesan ne’e, nu’udar autoridade tenke haree buat ne’e, ha’u deskonfia bele reál,” Bou Lesa akresenta.

Admistrasaun Baucau liuhosi PAM Bou Lesa sei re-anunsia fali vaga liuhosi publikasaun foun ba públiku atu sidadaun hotu bele kompete nune’e bele asegura integridade munisípiu nian.

Vaga finansa públika no téknika enjiñeria iha konkorrente hamutuk na’in-18 no tuir rekizitu fó prioridade ba sidadaun mínimu lisensiatura.

 Jornalista    :    Natalino Belo

Editór           :    Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here